सुरुङ प्रविधि भित्र्याउन अर्थमन्त्री जापान प्रस्थान


अर्थमन्त्री डा रामशरण महत जापान प्रस्थान गर्नुभएको छ । सडक विकासमा जापानी सुरुङ प्रविधि नेपाल भित्र्याउन अध्ययनका लागि उहाँ गएराती त्यसतर्फ प्रस्थान गर्नुभएको हो ।

जाइकाको निमन्त्रणामा उहाँ त्यसतर्फ प्रस्थान गर्नुभएको हो । जापानको सहयोगमा काठमाडौंदेखि नौविसे जोड्ने टनेल निर्माण हुने भएकोले यस प्रविधिको प्रभावकारिता अध्ययनका लागि उहाँ जापान भ्रमणमा जानुभएको हो । उक्त टनेल सडकलाई जापानको अन्तर्राष्ट्रिय सहयोग नियोग जाइकाले अगाडि बढाइरहेको छ । पहाडी मुलुक भएकोले नेपालका अन्य भागमा पनि यस्तो प्रविधि उपयोगी हुने भएकोले यो भ्रमणलाई उच्च महत्वका साथ हेरिएको छ ।
जापान रहँदा उहाँले उच्चस्तरीय भेटघाट गर्ने कार्यक्रम पनि रहेको छ । दुई पटक स्थगित भैसकेको अर्थमन्त्रीको यो भ्रमण गत भदौमा पनि तय भएको थियो तर नेपालमै रहनुपर्ने बाध्यताका कारण त्यसबेला भ्रमण स्थगित भएको थियो । भ्रमण टोलीमा अर्थमन्त्रालयका उपसचिव युगराज पाण्डे, सडक विभागका महानिर्देशक माधवकुमार कार्की, उपमहानिर्देशक सञ्जयकुमार श्रेष्ठ, सीडीई नविनकुमार पोखरेल, अनन्तप्रसाद पौडेल र शिवप्रसाद नेपाल रहनुभएको छ ।


प्र तिक्रिया दिनुहोस !

सम्बन्धित खबरहरु

प्रोबेसन कार्यक्रम अन्तर्गत गौरीशंकर क्लष्टरमा आबद्ध साकोसहरुबीच असल सिकाई आदान प्रदान
कैलालीको बर्दगोरियामा सहकारी व्यवस्थापन तालिम सञ्चालन
नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान