चौतारी सहकारीको दोस्रो साधारणसभा सम्पन्न


धादिङ, माघ २५ । चौतारी संचार सहकारी संस्थाको दोस्रो साधारणसभाले नयाँ नेतृत्व चयन गरेको छ । शनिवार धादिङको सदरमुकाम धादिङबेसीमा सम्पन्न सभाले राजेन्द्रकुमार बस्नेतको अध्यक्षतामा एघार सदस्यीय कार्यसमिति चयन हुनुभएको छ ।
संस्थाको उपाध्यक्षहरुमा पोषनाथ अधिकारी र अर्जुन खतिवडा, महासचिवमा मुरारी अधिकारी, सचिवमा ठाकुर गुरुङ र कोषाध्यक्षमा तिलक सिम्खडा चयन भएका छन् । त्यस्तै सदस्यहरुमा केशव अधिकारी, नारायण सिलवाल, सृजना खनाल, मनिष दुवाडी र शंकर श्रेष्ठ चयन हुनुभयो ।
सभाले निवर्तमान अध्यक्ष राजाराम शर्माको संयोजकत्वमा पुष्प थपलिया र सुदिप कोईराला सदस्य रहेको लेखा समिति, केशव अधिकारीको संयोजकत्वमा गिता अधिकारी र मनिष दुवाडी सदस्य रहेको ऋण उप समिति, नारायण सिलवालको संयोजकत्वमा मुना सिम्खडा र सुनिता सिम्खडा सदस्य रहेको शिक्षा उप समितिको पनि गठन गरेको छ ।
सभाले चौतारी संचार सहकारी संस्था लाई धादिङ संचार सहकारी संस्थाको रुपमा नाम परिवर्तनको प्रस्ताव सर्वसम्मतबाट पारीत गरेको छ ।
संस्थाले जिल्लामा रहेर सहकारीका क्षेत्रको उत्कृष्ठ समाचार लेख्ने एक जनालाई पुरस्कृत गर्ने निर्णय समेत गरेको छ । त्यसैगरी संस्थाद्धारा प्रकाशित हुने सहकारी सरोकार मासिक पत्रिकाको व्यवस्थापनका लागि शंकर श्रेष्ठको संयोजकत्वमा गोमा थापा सदस्य रहेको प्रकाशन उपसमितिको समेत गठन गरेको छ । सहकारी सरोकार मासिकको सम्पादकमा भने गोकर्ण दुवाडी रहनुभएको छ ।


प्र तिक्रिया दिनुहोस !

सम्बन्धित खबरहरु

जिल्ला सहकारी संंघ बाँकेको अध्यक्षमा सुवेदी शुक्रबार, माघ २
जिल्ला सहकारी संघ कास्कीको अध्यक्षमा कोइराला
उद्यमशिलता नमूना परियोजनाको प्रभावकारिता अनुगमन
बर्दियामा सञ्जाल सम्बन्ध र संस्थागत विकास सम्बन्धी अन्तरक्रिया सम्पन्न