रूपन्देहीका ९२ सहकारी खारेज


रूपन्देही, माघ २७ । रूपन्देहीका ९२ ओटा निश्क्तिय सहकारी खारेज भएका छन् । डिभिजन सहकारी कार्यालयले लगातार दुई वर्षसम्म कुनै कारोबार नगरी निश्क्रिय रहेका ९२ वटा सहकारी संस्था दर्ता खारेज भएको हो ।
कार्यालयले चालू आवको पछिल्लो ८ महिनामा ९२ सहकारी खारेज गरेको जनाएको छ । गत आवमा मात्रै रूपन्देहीका २४ सहकारी खारेज भएका थिए । सहकारी ऐन, ०४८ को दफा ४१ को उपदफा ३ मा कुनै संस्था वा संघ लगातार दुई वर्र्षसम्म कुनै कारोबार नगरी निष्क्रिय अवस्थामा रहेको पाइएमा रजिस्ट्रार वा निजबाट अधिकार प्राप्त व्यक्तिले संस्था वा संघको दर्ता खारेज गर्न सक्ने प्रावधान रहेको छ ।
यसरी दर्ता खारेज भएमा संस्था वा संघ विघटन हुने र दर्ताको प्रमाण पत्र स्वतः रद्द हुन्छ । यो अवधिमा विभिन्न प्रकृतिका ९२ ओटा सहकारी खारेज भइसकेपछि अन्य बाँकी भने क्रियाशील बन्दै छन् । खारेजीमा पर्नेहरूमा अधिकांश बहुउद्देश्यीय प्रकृतिका सहकारी रहेको डिभिजन कार्यालयका सहकारी निरीक्षक चन्द्रकान्त भट्टराईले बताउनुभयो ।
डिभिजन कार्यालयका अनुसार खारेजीमा परेकामध्ये ४५ ओटा सहकारी बहुउद्देश्यीय कारोबार गर्ने छन् । गत आवमा मात्र खारेजीमा परेका २४ मध्ये १५ ओटा बहुउद्देश्यीय सहकारीको दर्ता खारेज गरिएको थियो । रूपन्देहीमा चारओटा बचत तथा ऋण, १६ ओटा दुग्ध उत्पादक सहकारी, यसैगरी ११ ओटा कृषि सहकारी खारेज भएको सहकारी डिभिजनले जनाएको छ ।
गतिविधि नगरेकाहरू धमाधम खोरज हुँदै छन् ।’उहाँले भन्नुभयो  खारेजीमा परेकामध्ये १६ ओटा सहकारी बुटवलमा दर्ता भएका छन् भने आठओटा सहकारी सिद्धार्थ नगरपालिकामा दर्ता भएका हुन् ।

रूपन्देहीमा ९९ ओटा बहुउद्देश्यीय सहकारीहरू रहे पनि तीमध्ये १७ ओटा निष्क्रिय छन् । जिल्लामा सञ्चालित सहकारीहरूले ३ अर्ब ७१ करोड २३ लाख निक्षेप बचत गर्न सफल भएका छन् । विभिन्न प्रकृतिका ६ सय ५५ सहकारीको कुल सेयर पु“जी १ अर्ब १६ करोड ५० लाख पुगेको छ । यस्तै, जिल्लाका सबै सहकारीको लगानी ६ अर्ब २३ करोड ५४ लाख रहेको डिभिजन सहकारी कार्यालय रूपन्देहीले जनाएको छ ।


प्र तिक्रिया दिनुहोस !

सम्बन्धित खबरहरु

इन्द्रस्थानको सातौँ वार्षिक साधारण सभा सम्पन्‍न
बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर