राष्ट्रिय सहकारी विकास बोर्डमा मानन्धर


काठमाडौं,माघ २८ । राष्ट्रिय सहकारी विकास बोर्डको सञ्चालकमा नेशनल कोअपरेटर्स एलाईन्सका केन्द्रिय कोषाध्यक्ष एंव काठमाडौं जिल्ला अध्यक्ष केदार मानन्धर नियुक्त हुनुभएको छ ।
राष्ट्रिय सहकारी बिकास बोर्डले मानन्धरसहित सहकारीकर्मी भगवती काफ्लेलाई पनि हालै नियुक्त गरेको छ । यसअघि बोर्डले करिब एक दर्जन सहकारीकर्मीलाई सञ्चालकमा नियुक्त गरिसकेको छ ।
मानन्धर र काफ्ले सहित अब बोर्डको सञ्चालकमा एक दर्जन बढी सहकारी अभियान्ताहरु सञ्चालकमा नियुक्त भइसकेका छन् । बोर्डमा सहकारी अभियानको तर्फबाट केशव बडाल, दीपक पौडेल, भरत बिष्ट, खड्कबहादुर केसी, बिष्णुहरी ढकाल, भक्तबहादुर शाह लगायत बोर्ड सञ्चालक सदस्य हुनुहुन्छ ।
बोर्डको अध्यक्ष सहकारी तथा गरिबी निवारण मन्त्री हुने व्यवस्था छ । बोर्डमा सहकारी सचिव, राष्ट्र बैंकका गर्भनर र सहकारी गिभागका रजिष्ट्रारको पनि प्रतिनिधित्व गर्ने गर्छन् ।
राष्ट्रिय सहकारी विकास बोर्डका सहअध्यक्ष सरोजकुमार शर्माले सहकारी पाँच विकास क्षेत्रबाट सहकारीकर्मी समेटेर बोर्डमा प्रतिनिधित्व गराएको बताउनुभयो । ‘बोर्डको अबको प्राथमिकता भनेको २० वर्षे रणनीति निर्माण गर्ने हो’ उहाँले भन्नुभयो ।
हामीले सहकारी ऐन २०४८ को मस्यौदा बनाई पेश गरिसकेका छौं तर प्रगति भएको देखिएको छैन्’ उहाँले भन्नुभयो । ऐन पारित गराउनका लागि बोर्डले लबिङ गर्ने बोर्डले जनाएको छ ।
त्यस्तै महिला उद्यमशीलता, बजेट प्लानिङ भइरहेको छ, रोजगारीको सिर्जना लगायतमा बोर्डले भूमिका खेल्ने सहअध्यक्ष शर्माले बताउनुभयो ।


प्र तिक्रिया दिनुहोस !

सम्बन्धित खबरहरु

प्रोबेसन कार्यक्रम अन्तर्गत गौरीशंकर क्लष्टरमा आबद्ध साकोसहरुबीच असल सिकाई आदान प्रदान
कैलालीको बर्दगोरियामा सहकारी व्यवस्थापन तालिम सञ्चालन
नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान