आयोजना व्यवस्थापन कार्ययोजना गोष्ठी सम्पन्न


काठमाडौं, माघ २८ । व्यवसायिक कृषि तथा व्यापार आयोजना (प्याक्ट) ले मध्यमाञ्चल क्षेत्रका कृषि विकास तथा पशुसेवा क्षेत्रमा कार्यरत अधिकृतहरुका लागि आयोजना व्यवस्थापनसम्बन्धी कार्यशाला गोष्ठी आयोजना गरेको छ । गोष्ठीमा मध्यमाञ्चल क्षेत्रीय कृषि निर्देशनालय तथा पशुसेवा निर्देशनालयसहित उक्त क्षेत्रका १९ जिल्लाहरुका जिल्ला कृषि विकास कार्यालय तथा जिल्ला पशुसेवा कार्यालयमा कार्यरत प्याक्टका लागि तोकिएका फोकल पर्सनहरु सहभागी थिए । सहभागीहरुले गोष्ठी जानकारीमूलक भएकाले यसको अवधी बढाएर कम्तिमा पनि एक साता पु¥याइनुपर्ने माग गरेका थिए । तीन दिन सञ्चालित गोष्ठीमा आयोजना व्यवस्थापनका विभिन्न पक्षहरु जस्तै अनुगमन तथा मुल्यांकन,आयोजनाको लेखा व्यवस्थापन, आयोजनाको लैंगिक,सामाजिक तथा वातावरणीय सुरक्षालगायतका विषयहरुमा सम्बन्धित विषयका विज्ञहरुले सत्र सञ्चालन गरेका थिए । आयोजनाको समापन सत्रलाई बुधबार अपरान्ह सम्बोधन गर्दै प्याक्टका आयोजना निर्देशक योगेन्द्रकुमार कार्कीले सबै अधिकृतहरुले सिकेका पाठहरुलाई आआफ्नो कार्यक्षेत्रमा लागू गरी बढी भन्दा बढी सर्वसाधारणलाई सेवा प्रदान गर्ने आशा व्यक्त गर्नुभयो । उहाँले सरकारले नियमित कार्यक्रम तथा आयोजनाहरुमार्फत कृषि क्षेत्रको व्यवसायीकरणमा जोड दिएको बताउनुभयो ।
पूरक अनुदान प्रदान गरिएका उपआयोजनाहरुको अनुमगन तथा मुल्यांकनका लागि सम्बन्धित क्षेत्रका जिल्ला कृषि विकास तथा जिल्ला पशुसेवा कार्यालयका एकजना अधिकृतलाई फोकल पर्सनका रुपमा लिइने व्यवस्था छ । ती अधिकृतहरुको क्षमता अभिवृद्धि गरीसम्बन्धित जिल्लाहरुमा सञ्चालित उपआयोजनाहरुको उनीहरुमार्फत अनुगमनमा गराउने व्यवस्था गरिएको आयोजनाले जनाएको छ ।
व्यवसायिक कृषि तथा व्यापार आयोजना, नेपाल सरकारले विश्वबैंकको सहयोगमा सन् २००९ देखि ६ वर्षका लागि कार्यान्वयनमा ल्याएको हो । सुरुमा पूर्वाञ्चलबाहेक ४ विकास क्षेत्रका तराइका १५ र पहाडका १० गरी २५ जिल्लामा लागु गरिएको आयोजना सन् २०१२ मा विश्व बैंकले पहिलो मध्यावधि मुल्यांकनमार्फत सहयोग रकम थप गर्ने निर्णय गरेपछि आयोजनाको कार्यक्षेत्र विस्तार गरी देशभर लागु गरिएको हो । त्यसैगरी आयोजनाको अवधि पनि बढाइ सन् २०१८ सम्म पु¥याइएको छ । आयोजनाले १० हजार अमेरिकी डलरदेखि एक लाख अमेरिकी डलर बराबरको नेपाली रुपैयाँ पूरक अनुदान सेवाग्राहीलाई उपलब्ध गराई कार्यक्रम सञ्चालन गर्ने गरेको छ । १० हजार डलर बराबरको पूरक अनुदान सहयोग लघु अनुदानमा र बाँंकी दुई किसिमका अनुदान साना तथा मझौला अनुदानमा वर्गीकृत गरिएको छ ।

आयोजनाले राष्ट्रिय आयोजना निर्देशन समितिले तोकेका कृषि उपजहरुको मुल्यशृंखलामा आवद्ध कृषक समूह, कृषि सहकारी तथा कृषि उद्यमीको प्रतिष्पर्धात्मक क्षमता वृद्धि गर्ने लक्ष्य राखेको छ ।
हाल आयोजनाको दोस्रो मध्यावधी मूल्यांकन जारी छ । दात्रृ निकाय विश्व बैंकले आयोजनामार्फत कृषिको व्यवसायिकरणका लागि थप आर्थिक सहयोग दिने जनाइसकेको छ ।
आयोजनाले पहिलो आह्वान अन्तर्गत पूरक अनुदानमार्फत सञ्चालनमा ल्याएका ४९ र दोस्रो आह्वानमार्फत सञ्चालित २०४ मध्ये १३० उपआयोजनाहरु सम्पन्न भइसकेका छन् । बाँंकी केही महिनाभित्र सम्पन्न हुने अवस्थामा छन् । ती उपआयोजनामार्फत करिव ६३ हजार मानिसले प्रत्यक्ष लाभ लिएका छन् । यसरी लाभ पाउने मध्ये करिव ४४ प्रशित महिला छन् । तेस्रो आह्वान अन्तर्गत पूरक अनुदानका लागि छनोट भएका २६७ उपआयोजनाहरु कार्यान्वयनमा आएका छन् भने चौथो र पाँचौं आह्वान अन्तर्गत माग गरिएका आवेदकहरुको स्थलगत प्रमाणीकरण जारी छ ।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न