साना किसान सहकारीमा भिडन्त


सिरहा , माघ २९ । साना किसान सहकारीका सञ्चाकल र पदाधिकारीमा भिडन्त भएको छ । आर्थिक अनियमितता भएको भन्दै सिरहाको नरहा रिगौल गाविसस्थित लक्ष्मीनारायण साना किसान सहकारी संस्थाका पदाधिकारीबीच आज कार्यालयभित्रै झडप भएको हो ।
सहकारी संस्थाका प्रबन्धकले संस्थाको रकम हिनामिना गरेको भन्दै कार्यालय भवनमा भइरहेको छलफलमै संस्थाका अध्यक्ष सकुर साह र प्रबन्धक रामनारायण साहबीच कुटाकुटसमेत भएको थियो । संस्थाका सेयर सदस्यहरूबाट बचत भएको रकम तथा ऋण लगानीको क्रममा उठाइने तमसुकवापतको रकम अनियमितता गरेको भन्दै संस्थाका अध्यक्ष साहले प्रबन्धकलाई पदबाट हटाइको पत्र थमाएपछि दुवै पदाधिकारीबीच बैठकमै कुटाकुट भएको हो ।
बैठकमै संस्थाका अध्यक्ष र प्रबन्धकबीच कुटाकुट भएपछि दुवै जनालाई अनुसन्धानका लागि ल्याइएको इलाका प्रहरी कार्यालय लहानका प्रहरी निरीक्षक चन्द्र राजवंशीले बताउनुभयो ।
अध्यक्ष सकुरले संस्थाका सेयर सदस्यबाट बचत भएको रकमको हरहिसाब प्रबन्धकले नदेखाएको र हरहिसाब माग्दा उल्टै प्रबन्धकले संस्थाका अन्य पदाधिकारीलाई गालीगलौज तथा हातपात गर्दै आएको आरोप लगाउनुभयो । प्रबन्धक साहले भने आफूमाथि अध्यक्षले नै हातपात गरेको बताएका छन् ।
अनियमिततामा आफूमात्र संलग्न नभएको स्वीकार्दै प्रबन्धक साहले संस्थाका पदाधिकारीको मिलोमतोमा आर्थिक अनियमितता भएको स्वीकार गर्नुभयो ।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न