विहे गर्नासाथ सहकारीको सदस्य


 चितवन माघ २९। । गैडाकोटको एक सहकारीले बिहे गरेर दुलही हुनासाथ नयाँ दुलहीलाई सहकारीको शेयर सदस्य दिने गरेको छ । भरतपुरको प्रभात महिला बचत तथा ऋण सहकारी संस्थाले नयाँ बुहारीलाई सेयर सदस्य बनाएर एकैपटक दुईवटा काम थाल्ने लक्ष्य राखेको छ । पहिलो, नयाँ बुहारीलाई सामाजिक रूपमा स्थापित गराउने र दोस्रो आर्थिक उन्नतिका लागि सघाउने ।
जिल्लामा यो कार्यक्रम नयाँ र नमुना भएको सहकारीकी सेयरसदस्य तथा सल्लाहकार शान्ति अधिकारीले बताउनुभयो । बुहारीहरूलाई नयाँ ठाउँमा सजिलै घुलमिल हुन, नेतृत्व विकासमा संलग्न हुन यो कार्यक्रमले सघाउ पु¥याउँदै आएको शान्तिको बुझाइ छ ।
गएको वर्ष माघमा पहिलोपटक उनकै बुहारी तृप्तिलाई नयाँ बुहारीका रूपमा सहकारीमा भित्र्याइएको थियो । त्यहाँ सहभागी भएपछि आफूले बचत गर्ने बानी र सहकार्यको संस्कृति सिकेको तृप्तिले बताउनुभयो । चिकित्साशास्त्र पढ्दै गरेकी तृप्ति सहकार्यको संस्कृति बुझेका कारण आफूले बिरामीसँग गर्ने सामाजिक व्यवहारमा पनि उल्लेख्य परिवर्तन आएको बताउनुभयो ।
सहकारीको सदस्यताले नयाँ घरमा, नयाँ परिवेशमा घुलमिल हुन बुहारीलाई सजिलो बनाइदिन्छ ।
गतिविधि जान्ने, सीपबारे कुरा बुझ्ने क्रममा सँगसँगै हिँड्दा रमाइलो हुने र पारिवारिक भावना पनि आत्मीय हुने लक्ष्मीको बुझाइ छ । । नयाँ चेलीलाई सामाजिक व्यवहार सिकाउन सहकारी माध्यम भएको भन्दै सदस्य महेश्वरी थापाले बताउनुभयो । , ‘सीप सिक्न चाहनेलाई हामी थप सहयोग गर्छौं ।’ आफ्नो वार्षिकोत्सवको अवसर पारेर माघ ६ गते दीपासँगै कृष्टि कौडेल, प्रतीक्षा थापामगर, सरिता उपाध्याय, सिर्जना सापकोटालाई सहकारीले सेयर उपहार दिएको थियो ।
अघिल्लो वर्ष सहकारीमा भित्रिएकी स्टाफ नर्स पढ्दै गरेकी भरतपुरकी प्रतीक्षा लामा पौडेल आफूमा बचत गर्ने बानीको विकास भएको बताउनुहुन्छ ।


प्र तिक्रिया दिनुहोस !

सम्बन्धित खबरहरु

बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक