चौथो दिनसम्म ७ करोड रुपैंया बढिको कारोबार


काठमाडौं, ४ फागुन । काठमाडौ पाको, न्यूरोडमा रहेको ताम्राकार कम्प्लेक्समा आयोजना भईरहेको सामसुंग मोबाइल महोत्सव २०१५ पावर्ड वाई हुवावेको चौथो दिनसम्म ७ करोड रुपैंयाभन्दा बढिको कारोबार भएको छ । महोत्सवको चौथो दिनसम्म विभिन्न ब्राण्डका ८ हजारको हाराहारीमा मोबाइल सेटहरु बिक्री भएका छन् ।
यस महोत्सवमा चौथो दिनसम्म १ लाख भन्दा बढि ग्राहकहरुले भ्रमण तथा मोबाइल खरिद गरेका छन् । महोत्सवमा हालसम्म विभिन्न राजनीतिक दलका नेताहरु, सभासद, अभिनेता, अभिनेतृलगायतका प्रतिष्ठित व्यक्तिहरुले दैनिक भ्रमण तथा मोबाइल खरिद गर्ने गरेका छन् ।
महोत्सवमा अधिकांश ग्राहकहरुले स्मार्टफोन खरिद गर्ने गरेका छन् भने महोत्सवको अवधिपारेर मोबाइल एक्सचेन्जगर्ने ग्राहकहरुको संख्या पनि बढ्दो क्रममा रहेको छ । ग्राहकहरुको अधिक चहलपहलका महोत्सवमा मोबाइल बिक्रीको संख्या पनि उच्च रहेको व्यवसायीको भनाई छ ।
महोत्सवमा सोमबार नेकपा एमालेका उपाध्यक्ष तथा पूर्व गृहमन्त्री भीम रावलले अवलोकन भ्रमण गरेका छन् । उनले यस्तो महोत्सव हुन ग्राहकहरुको लागि पनि लाभप्रद हुने भएको र ताम्राकार कम्प्लेक्स मोबाइल खरिदको लागि एक मात्र केन्द्रको रुपमा भएको बताए । उनले यस्ता महोत्सवमा पछिल्ला प्रविधिका मोबाइल तथा एसेसरिजहरु उपलब्ध हुने हुँदा आफूले पनि नियमित भ्रमण गर्ने गरेको जानकारी दिए ।
अहिलेसम्मकै सबैभन्दा ठूलो मोबाइल महोत्सवको रुपमा आयोजना गरिएको महोत्सवमा अधिक संख्यामा सामसुंग मोबाइलको बिक्री रहेको र त्यसपछि बिक्रीको आधारमा हुवावे ब्राण्डका स्मार्टफोनहरुले बजार लिएका छन् भने बाँकी अन्य ब्राण्डका स्मार्टफोनहरु बिक्री हुँदै आएको सामसुंग मोबाइल इलेक्ट्रोनिक्सका संचालक गुरुदत्त शर्माले जानकारी दिए ।
त्यसैगरी टेली टू प्रालिका अध्यक्ष पुरुषोत्तम बस्नेतले महोत्सव लक्ष्य गरिएअनुसार सफल भईरहेको भन्दै अन्तिमदिनसम्म ३ लाख आगन्तुकका साथै २० करोड रुपैंया बराबरको मोबाइल बिक्रीको लक्ष्य हासिल हुने बताए ।
यहि फागुन १ गतेदेखि ७ गतेसम्म विभिन्न कार्यक्रमसहित सामसुंग मोबाइल महोत्सव २०१५ आयोजना भईरहेको छ । महोत्सवको अवसर पारेर ग्राहकहरुलाई विभिन्न मोबाईल तथा अन्य सामानहरुको खरिदमा ५ देखि ५० प्रतिशतसम्म क्यासब्याक अफरमार्फत छुट दिईएकोछ । हरेक दिन गरिने लक्की ड्रमा ३० हजार रुपैंया बराबरको स्मार्टफोन ग्राहकलाई उपहार दिने तथा हरेक दिनका ग्राहकहरुको विवरणराखि बम्पर उपहार दिइने महोत्सवका संयोजक कृष्ण प्रसाद कर्माचार्यले जानकारी दिए । ताम्राकार कम्प्लेक्सद्धारा बम्पर उपहार अन्तरगत अन्तिम दिन ८० हजार रुपैंया बराबरको स्मार्टफोन ग्राहकलाई दिइने छ ।
मोबाइल महोत्सव अवधिभर ताम्राकार कम्प्लेक्समा प्रवेश गर्ने हरेक ग्राहकहरुलाई लक्की ड्रमार्फत उपहार दिईरहेको छ । कम्प्लेक्समा प्रवेश गर्ने हरेक व्यक्तिले निशुल्क कुपन प्राप्त गर्नेछ भने सोहि आधारमा हरेक दिन ग्राहकहरुलाई विभिन्न उपहार दिइने छ । ताम्राकार कम्प्लेक्समा आयोजना हुने महोत्सव अवधिभर हरेक आगन्तुकले प्राप्त गर्ने निःशुल्क कुपनको आधारमा प्रत्येक दिन ३ वटा स्मार्टफोन उपहार प्राप्त गर्ने छन् ।
त्यसैगरी महोत्सव अवधिभर ताम्राकार कम्प्लेक्समा ओटेल कम्पनीको सहयोगमा निशुल्क वाईफाई सुविधा उपयोग गर्न पाउनेछन् भने महोत्सव अवधिभर ताम्राकार कम्प्लेक्समा मोबाइल खरिद गर्न आउने ग्राहकहरुको लागि निशुल्क पार्किङ सेवा उपलब्ध गराइएको छ ।
महोत्सवअवधिभर स्थानिय क्लब पाको यूथ क्लब परिवार, स्थानिय संघ संस्थाहरुले आवश्यक व्यवस्थापकिय पक्षहरुमा सहयोग तथा सहकार्य गरिरहेका छन् ।
ताम्राकार कम्प्लेक्समा विश्वका विभिन्न उत्कृष्ट ब्राण्डका मोबाइल सेटहरु, ट्याबलेट, ल्यापटप, एसेसरिज खरिद गर्ने सुविधा छ भने विभिन्न मोबाइल कम्पनीका सर्भिस सेन्टर पनि रहेका छन् ।


प्र तिक्रिया दिनुहोस !

सम्बन्धित खबरहरु

प्रोबेसन कार्यक्रम अन्तर्गत गौरीशंकर क्लष्टरमा आबद्ध साकोसहरुबीच असल सिकाई आदान प्रदान
कैलालीको बर्दगोरियामा सहकारी व्यवस्थापन तालिम सञ्चालन
नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान