सहकारीका लागि अनुदान दिइएको मल नीजिबाट धमाधम बिक्री


चितवन, फागुन १२ । सहकारीका लागि अनुदान दिइएको रासायानिक मल धमाधम नीजिक्षेत्रबाट धमाधम बिक्री भइरहेको छ । सहकारीको लापवरवाहीका कारण अनुदानको मल व्यवसायीले नर्को मूल्य लिएर किसानलाई बेच्ने गरेका हुन् ।
अनुदानको मल इजाजत प्राप्त सहकारीले मात्र विक्री गर्न पाउने प्रावधान रहेपनि गैरढंगले व्यवसायीहरुले अनुदानको लाभ लिइरहेका छन् ।
जिल्ला प्रसासन कार्यालय अन्र्तगतको सयुक्त बजार अनुगमन समितिले आज गरेको अनुगमनका क्रममा रत्ननगरमा रहेको निजी पसलवाट अनुदानको मल विक्री भईरहेको पाईएको हो । अनुगमनका क्रममा रत्ननगर–१ बकुलहरमा रहेको ओपी कृषि सामाग्री पसलले अनुदानको मल विक्री गरेको पाईएको हो । सो पसलवाट अनुगमन टोलीले अनुदानको डिएपी ५० किलोको २ वोरा र विक्री गर्दै गरेको २९ किलो, पोटास ५० किलोको २ वोरा र विक्री गर्दै गरेको २३ किलो र युरिया ५० किलोको २ वोरा र विक्री गर्दै गरेको २६ किलो मल बरामद गरिएको बजार संरक्षण अधिकृत नेत्रप्रसाद शर्माले जानकारी दिनुभयो ।
टोलीले कृषि र सहकारी संग सम्बन्धित ८ वटा पसलमा अनुगमन गरेको थियो ।अनुगमन गरिएका अन्य पसलहरु दर्ता गरिएको म्याद सकिएको पाईएकाले एक हप्ता भित्र नविकरण गर्न निर्देशन दिईएको बजार संरक्षण अधिकृत शर्माले बताउनुभयो।


प्र तिक्रिया दिनुहोस !

सम्बन्धित खबरहरु

सञ्‍चालक र कर्मचारीहरुको क्षमता अभिवृद्धि तालिम
प्रबल जनसेवा श्री पदकबाट राष्ट्रिय सहकारी महासंघका सहकारीकर्मीहरु विभूषित
सहकारी अभियानका शीर्ष व्यक्तित्वलाई सम्मान घोषणा
सहकारी अध्ययन अवलोकनमा सिवाईसी साकोस