उपासना महिला साकोस र काठमाडौँ जिल्ला एलाईन्सद्वारा नारी दिवस कार्यक्रम


नेशनल कोअपरेटर्स एलाईन्स नेपाल, काठमाडौँ जिल्ला समिति र उपासना महिला बचत तथा ऋण सहकारी संस्था लि. ले आज १०५ औँ नारी दिवसको अवसरमा विभिन्न कार्यक्रमहरू आयोजना गरे । ‘लैङ्गिक विभेदको अन्त्य: समान सहभागिताको सुनिश्चितता’ भन्ने नाराका साथ काठमाडौँको सितापाईलामा सम्पन्न कार्यक्रममा सहकारी क्षेत्रका व्यक्तिहरूलाई सम्मान गरिनुको साथै अभिभावकहरुलाई बालबालिकासँग गरिनुपर्ने व्यवहार बारे सचेतना समेत दिईयो । उक्त कार्यक्रममा हालै सम्पन्न जिल्ला सहकारी संघ लि., काठमाडौँमा निर्वाचित हुनेहरूलाई बधाई दिँदै सम्मान गरियो ।???????????????????????????????

कार्यक्रममा सम्बोधन गर्दै राष्ट्रिय सहकारी संघका उपाध्यक्ष एवम् संविधानसभाका सभासद् ओमदेवी मल्लले नारीहरूले अवसरका लागि आफूलाई अगाडि ल्याउनु पर्ने भन्दै अगाडि आउन चाहने महिलाका लागि प्रशस्तै अवसरहरू रहेको र त्यसका लागि पुरुषहरू बाधक नभइ सहयोगीकै रूपमा आउने अहिलेको परिवेश रहेको धारणा राख्नुभयो । नेशनल कोअपरेटर्स एलाईन्स नेपालका केन्द्रीय उपाध्यक्ष गोविन्द शर्मा पौडेलले अहिलेको अवस्थामा नारी र पुरुष विचको विभेद कम हुँदै गएको भन्दै अवसर प्राप्तिका लागि नारीहरूले पनि थप प्रयत्न गर्नुपर्ने विचार व्यक्त गर्नुभयो । नेशनल कोअपरेटर्स एलाईन्स नेपालका अध्यक्ष दीपक बास्कोटाले बैदिककालमा नारीहरू नै सत्तामा रहेको भन्दै देबीका रूपमा पुजिने लक्ष्मी, सरस्वती र काली त्यस बेलाको अर्थ, शिक्षा र गृह तथा रक्षा मन्त्रालय सम्हालेको प्रतीकका रूपमा हेर्नुपर्ने बताउनुभयो । बास्कोटाले ज्ञानको उज्यालो बालेर नारीहरूले आफूमा निहित शक्तीलाई पहिचान गरे लक्ष्यमा पुग्न सहज हुने सुझाव दिनुभयो । राष्ट्रिय सहकारी विकास बोर्डका सञ्चालक एवम् एलाईन्सका जिल्ला अध्यक्ष केदार मानन्धरले एलाईन्सले प्रारम्भिक संस्थाहरूसँग सहकार्य गरि सहकारी क्षेत्रमा रचनात्मक काम गर्ने बताउनुभयो ।


प्र तिक्रिया दिनुहोस !

सम्बन्धित खबरहरु

नेफ्स्कून र जिल्ला बचत संघ बर्दियाबीच साझेदारी सम्झौता
पर्यटन सहकारी प्रवद्र्धन सम्‍बन्‍धी रणनैतिक योजना निर्माण
प्रारम्‍भिक साधारण सभा
सहकारी अभियन्ता योगराज पौडेलको निधन