साढे दुई करोडमा सहकारी कम्प्लेक्स


काठमाडौं, फागुन २८ । माउन्ट धौलागिरी बहुउद्देश्यीय सहकारी संस्थाले २ करोड ४४ लाखमा माउण्ट धौलागिरी कम्प्लेक्स सञ्चालनमा ल्याएको छ ।
संस्थाका प्रबन्ध निर्देशक गोविन्द शर्माका अनुसार उक्त कम्लेक्सको एक तलाबाट सहकारीको कारोबार गर्ने र अरु सबै तला भाडामा लगाइने छ । संस्थाले भाडावापत २ लाख मासिक आम्दानी गर्ने छ । त्यस्तै ठूला कार्यक्रम गर्नका लागि संस्थाले माउण्टेन हल पनि स्थापना गरेको छ । हल प्रयोग गरेवाफत थप आम्दानी हुने संस्थाले जनाएको छ ।
संस्थाले आउँदो वैसाखदेखि उपभोक्ता भण्डार पनि सञ्चालन गर्ने तयारी गरेको छ । प्रबन्ध निर्देशक शर्माका अनुसार उपभोक्ता भण्डारमा सहकारीले उत्पादन गरेका वस्तु र दैनिक उपभोग्य वस्तुहरु राखिने छ । उपभोक्ता भण्डार संस्था आफैले सञ्चालनमा ल्याउन लागेको हो ।
उक्त कम्प्लेक्समा सहकारीका सदस्यहरुले नै माउण्ट फुडल्याण्ड सञ्चालनमा ल्याएका छन् । फुडल्याण्डमा संस्थाले १० लाख शेयर हालेको छ भने केही सदस्यहरुले फुडल्याण्ड सञ्चालनमा ल्याएका हुन् । कम्लेक्सका अन्य सटरहरु पनि भाडामा गईसकेका छन् ।

संस्थाले १५ औं वार्षिक साधारणसभा र कम्प्लेक्स उद्घाटन आउँदो फागुन ३० गते शनिबार गर्ने जनाएको छ । कार्यक्रममा नेपाली कांग्रेसका उपसभापति रामचन्द्र पौडेल, अर्थमन्त्री डा. रामशरणमहत लगायत अतिथिी आउने लगभग तय भइसकेको छ ।
संस्थाले ढुुंगेधारा अन्नपुर्ण चोकमा अवस्थित कम्लेक्सबाट मंसिर २४ गतेदेखि कारोबार शुरु गरीसकेको छ । यसअघि संस्था बालाजुचोकमा भाडामा बसेर कारोबार गर्दै आएको थियो ।
संस्थाले आफ्ना सदस्यसँग कारोबारसँगै अन्यलाई पनि रमेट्यान्स सेवा दिइरहेको छ । प्रबन्ध निर्देशक शर्माका अनुसार संस्थाले विगत चार वर्षअघिदेखि आइएमई, प्रभु, हिमाल, वेस्टन, मनीग्रामका रेमिट्यान्स सेवाहरु दिइरहेको बताउनुभयो ।
सहकारीले वार्षिक २५ करोडको कारोबार गर्दै आएको छ । संस्थाका ६ सय २९ सदस्य रहेका छन् ।


प्र तिक्रिया दिनुहोस !

सम्बन्धित खबरहरु

प्रोबेसन कार्यक्रम अन्तर्गत गौरीशंकर क्लष्टरमा आबद्ध साकोसहरुबीच असल सिकाई आदान प्रदान
कैलालीको बर्दगोरियामा सहकारी व्यवस्थापन तालिम सञ्चालन
नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान