हातेमालो बचत तथा ऋण सहकारीमा नवलपरासीको पौरखी संस्था


सिमरा,चैत्र ३ ।सिमरास्थित हातेमालो बचत तथा ऋण सहकारी संस्थामा नवलपरासीको कावासोतीस्थित पौरखी बचत तथा ऋण सहकारी संस्थाले स्थलगत अवलोकन गरेको छ । संस्थाका अध्यक्ष धनञ्जय तिमल्सिनाको टोलीले ज्ञान, सीप र क्षमता अभिवृद्धि गर्ने उद्धेश्यले स्थलगत अवलोकन गरेको हो ।

अवलोकनपछि आयोजित कार्यक्रममा संस्थाका अध्यक्ष कृष्ण पौडेलले संस्थाको समग्र अवस्था र प्रगतिवारे जानकारी गराउनुभएको थियो । कार्यक्रममा बोल्दै पौडेलले संस्थाले हाल एक हजार पांच सय सदस्यहरुवीच साढे पन्ध्र करोडको कारोवार गरिरहेको र मध्यतराईको एक उत्कृष्ट बचत तथा ऋण सहकारी संस्थाको रुपमा अघि बढिरहेको बताउनुभयो । संस्थाले सरल वित्तिय सुविधा उपलव्ध गराई समुदायको जीवनस्तरमा परिवर्तन ल्याउन र गरीवी न्युनीकरणका लागि महत्वपूर्ण भूमिका निर्वाह गरिरहेको बताउनुभयो ।

पौरखी संस्थाका अध्यक्ष तिमिल्सिनाले हातेमालोले छोटो अवधिमा हासिल गरेको उपलव्धिबाट आफुहरु प्रभावित भएको बताउदै यसलाई आफुहरुले अनुशरण गर्ने बताउनुभयो ।

संस्थाका अध्यक्ष कृष्ण पौडेलको अध्यक्षता, व्यवस्थापक महेश ढुंगेलको सहजीकरण र उपाध्यक्ष सीता गुरुङले स्वागत गर्नुभएको कार्यक्रममा पौरखी संस्थाका सचिव यामबहादुर थापा, व्यवस्थापक निलकण्ठ पराजुली, हातेमालोका सचिव यज्ञबहादुर आले, कोषाध्यक्ष शिव वाग्लेलगायतको सहभागिता रहेको थियो ।


प्र तिक्रिया दिनुहोस !

सम्बन्धित खबरहरु

नमुना महिला विकास साकोस एक्सेस् कार्यक्रममा आवद्ध
सामुदायिक साकोसको ११ औं सेवा केन्द्र
सञ्‍चालक र कर्मचारीहरुको क्षमता अभिवृद्धि तालिम
प्रबल जनसेवा श्री पदकबाट राष्ट्रिय सहकारी महासंघका सहकारीकर्मीहरु विभूषित