साना किसान विकास बैंकका प्रमुख कार्यकारी अधिकृत जलन शर्मा हातेमालो सहकारीमा


बारा, चैत्र ४ । साना किसान विकास बैंकका प्रमुख कार्यकारी अधिकृत जलनकुमार शर्माले आज सिमरास्थित हातेमालो बचत तथा ऋण सहकारी संस्थाको स्थलगत अवलोकन गर्नुभएको छ ।

स्थलगत अवलोकनको क्रममा आयोजित स्वागत कार्यक्रममा बोल्दै शर्माले राज्यले नीति र कानून मात्रै बनाउने र यसको व्यवहारिक कार्यान्वयनमा नागरिक जिम्मेवार हुनुपर्ने बताउनुभयो । समुदायको दिगो आर्थिक विकास र गरीवी न्यूनीकरणमा बैंक प्रतिवद्ध रहेको बताउदै साना किसान उद्यमीहरुवीच वित्तिय सहजकर्ताको भूमिका निर्वाह गरिरहेको बताउनुभयो । हातेमालोले समुदायको वित्तिय पहुंच र जीवनस्तरमा परिवर्तन ल्याउनका लागि गरिरहेको प्र्रयासको शर्माले प्रशंशा गर्नुभयो । स्थलगत अवलोकनको क्रममा अध्यक्ष कृष्ण पौडेलले संस्थाको समग्र गतिविधिवारे जानकारी गराउनुभएको थियो ।

नेपाल कृषि केन्द्रीय सहकारी संघका उपाध्यक्ष एकराज उप्रेतीले हातेमालोले छोटो समयमा हासिल गरेको प्रगतिको स¥हाहना गर्दै संस्थाको अभियानमा सहयोग गर्ने प्रतिवद्धता जाहेर गर्नुभयो ।

कार्यक्रममा बोल्दै संस्थाका अध्यक्ष तथा नेपाल बचत तथा ऋण केन्द्रीय सहकारी संघ (नेफ््स्कून) का सञ्चालक कृष्ण पौडेलले कृषिको व्यवसायिकरण र किसानहरुको कार्यशैली र जीवनपद्धतिमा रुपान्तरणका लागि बैंकको भूमिकाको प्रशंशा गर्नुभयो । संस्थाको अभियानमा बैंकको तर्फबाट पर्याप्त सहयोगका लागि पौडेलले आग्रहसमेत गर्नु भयो ।

कार्यक्रममा साना किसान विकास बैंकका ईलाका प्रमुख कृष्णाकुमारी शर्मा, शाखा अधिकृत ऋषिराज कोइराला, हातेमालो बचत तथा ऋण सहकारी संस्थाका कोषाध्यक्ष शिव वाग्ले, सञ्चालकहरु दीपक भट्ट र क्षमादेवी अधिकारी, व्यवस्थापक महेश ढुंगेल, साना किसान कृषि सहकारी संस्था डुमरवानाका प्रवन्धक गोकर्ण बर्तौलालगायतको उपस्थिति रहेको थियो ।


प्र तिक्रिया दिनुहोस !

सम्बन्धित खबरहरु

प्रोबेसन कार्यक्रम अन्तर्गत गौरीशंकर क्लष्टरमा आबद्ध साकोसहरुबीच असल सिकाई आदान प्रदान
कैलालीको बर्दगोरियामा सहकारी व्यवस्थापन तालिम सञ्चालन
नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान