फेरिदैँ जीवनशैली, जाग्दै आशा


इलाम, बैशाख ९ । कुनै बेला चुलो चौकोमा बिताउने महिलाको आजकल जीवनशैली फेरिएको छ । दुईचार पैसा चाहिएमा श्रीमानसँग माग्नुपर्ने, पैसा माग्दा धेरै उद्देलन सुन्नुपर्ने महिलाहरुको दैनिकी फेरिएको छ ।
सहकारीका माध्यमबाट संगठित हुदैं आयआर्जनतर्फ लागेपछि उनीहरुको जीवनशैली फेरिदै गएको हो । उनीहरुमा आशा जाग्नुका साथै श्रीमान एंव सिंगो परिवारका लागि आशाका केन्द्र बनेका छन् यतिखेर महिलाहरु ।
सहकारीको माध्यमबाट इलाम गजुरमुखी गाविसका महिलाको जीवनस्तर सुध्रिदै गएकोमा उनीहरु स्ंवयम दंग परेका छन् भने उनीहरुको तारिफ गर्नेहरु पनि बढ्न थालेका छन् । गाउँमा खुलिएका सहकारीले महिलाको अर्थिक सुधार हुनुका साथै नेतृत्व गर्ने क्षमतासमेत बढाएको छ ।
‘महिला गजुरमुखी वहुउद्देश्य सहकारी संस्था’ ४० लाख रुपियाँ रकम बचत गरेर महिला सदस्यहरुलाई रकम लगानी गरेको छ । महिलामात्रै सेयर सदस्य रहेको यस सहकारी संस्थाले महिलाहरुमा सामाजिक, अर्थिक सुधार आएको संस्थाका अध्यक्ष इन्द्रमाया आङ्देम्वेले बताउनुभयो ।
संस्थाले बेसार खेती, पशुपालन, अदुवा खेती, लसुन खेतीलगायत कृषिजन्य बस्तु उत्पादनका लागि सहकारीले बचत रकम लगानि गरिरहेको अध्यक्ष आङ्देम्वेले बताउनुभयो । सहकारी संस्थामा सदस्य भएपछि घरखर्च चलाउन सजिलो भएको संस्थाका सदस्य कविता आङ्देम्बेले बताउनुभयो । कविताले सहकारीकै डेरी सञ्चालन गर्दै आउनुभएको छ ।
नौ वटै वडाका सेयर सदस्य रहेको यस संस्थाबाट महिलाहरुले व्यवसाय संचालन, कृषि, पशुपालन तथा अपतकालिन सहयोग पाउने गरेको अध्यक्ष आङ्देम्वेले बताउनुभयो । कुल ५२७ सेयर सदस्य रहेको यस सहकारीले दुध डेरिसमेत सञ्चालन गर्दै आएको संस्थाका सामायिक परिचालीका कमला बुढाथोकीले जाकारी दिनुभयो । सहकारीका माध्यमबाट महिलाहरुमा अर्थिक सुधार हुन थालेको बुढाथोकीले बताउनुभयो ।
सहकारीमा अवद्ध भएका महिला सामाजिक तथा आर्थिक जिवन परिवर्तन भएको सहकारी डिभिजन कार्यालय इलामका सहकारी अधिकृत दुर्गा न्यौपानेले बताउनुभयो ।


प्र तिक्रिया दिनुहोस !

सम्बन्धित खबरहरु

बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक