नेफ्स्कुनद्वारा भुकम्पपीडितलाई सहयोग गर्न हार्दिक अपिल


१० लाखको छुट्टै कोष स्थापना

काठमाडौं, बैशाख १७ । बैशाख १२ गते गएको बिनाशकारी महाभूकम्पको महाविपत्ती र सिर्जित व्यापक जनधनको क्षतिको कारण हामी सबै राष्ट्रिय शोकमा रहेको भन्दै नेपाल बचत तथा ऋण सहकारी संघले आफ्ना तबरबाट राहत संकलन गर्न आफ्ना सदस्य एंव सहकारी अभियानलाई आह्वान गरेको छ ।
मुलुकको सहकारी अभियान विशेषतः जनस्तरमा बचत तथा ऋण क्षेत्रमार्फत समुदायको आर्थिक समृद्धि र सामाजिक एकताका लागि जुटेको नेपाल बचत तथा ऋण सहकारी केन्द्रीय संघ लिमिटेड (नेफ्स्कून) महाभूकम्पको राहत संकलन र वितरण अभियानमा दृढतापूर्वक जुटेका छौं । नेफ््स्कूनका अध्यक्ष श्री ऋषिराज घिमिरेको अध्यक्षतामा बसेको कार्यकारी वैठकले भूकम्पपिडितहरुको राहत र उद्धारका लागि रु. १० लाखसहितको छुट्टै कोष स्थापना गरेको छ । उक्त कोषमा रकम संकलन र राहत वितरणलाई प्रभावकारी बनाउन नेफ््स्कूनका बरिष्ठ उपाध्यक्ष डिबि बस्नेतको संयोजकत्वमा महासचिव श्री परितोष पौड्याल, कोषाध्यक्ष श्री नानीबाबु बुढाथोकी, सञ्चालकहरु श्री नानीकाजी शाक्य श्री रिना आचार्य सदस्य रहनुभएको ५ (पांच) सदस्यीय भूकम्पपिडित राहत व्यवस्थापन उपसमिति गठनसमेत गरिएको छ । उक्त कोषमा सबै बचत तथा ऋण सहकारी संघ संस्थाहरुले आन्तरिक स्रोत, कर्मचारी तलव भत्ताको केही अंश र सदस्य परिचालनमार्फत नेफ्स्कूनको कोषमा यथाशक्य जम्मा गर्न अनुरोध गर्दछौं । हामीले नेफ्स्कूनका छाता संगठनहरु विश्व ऋण परिषद र एशियाली ऋण महासंघ लगायत सहकारी क्षेत्रसंग जोडिएका राष्ट्रिय अन्तरराष्ट्रिय संघसंस्थाहरुलाई सहकार्यको लागि हार्दिक आह्वान समेत गरेको जनाएको छ ।
मुलुकभरका विशेषतः बचत तथा ऋण सहकारी क्षेत्रसंग जोडिएका भूकम्पपिडित नागरिकहरुको क्षतिविवरण नेफ्स्कूनले संकलन गरिरहेको छ । सोकालागि मातहत बचत तथा ऋण सहकारी संघसंस्थाहरुलाई नेफ्स्कूनको वेवसाइटमा रहेको फाराम भरी तत्काल विवरण पठाउनका लागि हार्दिक अनुरोध गर्दछौं । नेफ्स्कूनले पिडित सदस्यहरुको राहतका लागि बचत तथा ऋण सहकारी अभियानमार्फत प्रत्यक्ष संलग्न हुने तयारी गरिरहेकोले सहयोग र स्थानीय संयोजनका लागि आवद्ध सदस्य संघसंस्थाहरुलाई हार्दिक अनुरोध विज्ञप्तीमा उल्लेख छ ।

बचत तथा ऋण सहकारी संघसंस्थाहरुको तर्फबाट राहत संकलनका लागि नेफ्स्कूनले सञ्चालन गरेको Nepal Federation Of Savings & credit Cooperative Union भूकम्प पिडित उद्वार रहात कोष जनता बैंक खाता हि.नं  111-002-0020605-02 मा रकम जम्मा गरी मानव उद्धार, राहत र पुनर्व्यवस्थापनको काममा यथाशक्य सहयोग र यो महाअभियानमा जुटनका लागि पुनः सबैमा हार्दिक अपिल गरेको सूचना तथा सञ्चार संयोजक कृष्ण पौडेलद्वारा जारी विज्ञप्तिमा उल्लेख छ ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न