सहकारीका सबै संयन्त्र उद्दार तथा राहत वितरणमा लाग्न आग्रह


राष्ट्रिय सहकारी संघमा प्रधानमन्त्री दैबी प्रकोपमा २५ लाख 

काठमाडौं, १७ बैशाख – गत वैशाख १२ गते गएको विनासकारी महाभुकम्पबाट सिड्डो मुलुक यतिखेर पीडामा डुबेको छ । यसैबीच राष्ट्रिय सहकारी संघले यस प्राकृतिक विपत्तिको त्रासद घडीमा सम्पूर्ण सहकारीकर्मीहरूका साथै आमसमुदायमा मन, वचन र कर्मले महाभुकम्पबाट पीडित व्यक्तिहरूको उद्धार तथा राहत कार्यमा संलग्न हुन हार्दिक अपिल गरेको छ । संघका अध्यक्ष केशवप्रसाद बडालको अध्यक्षतामा संघमा वसेको संघका सञ्चालकहरु ,केन्द्रीय सहकारी संघहरू र राष्ट्रिय सहकारी बैकका प्रतिनिधिहरुको आकस्मिक वैठकले तत्कालका लागि महाभुकम्पबाट पीडितहरूको उद्धारका लागि सहकारी क्षेत्रका तर्फदेखी प्रधानमन्त्री दैवी प्रकोप उद्दार कोषमा २५ लाख जम्मा गर्ने निर्णय गरेको हो । संघका सञ्चालक तथा सूचना सञ्चार समितिका संयोजक चन्द्र ढकालका अनुसार वैठकले सहयोगलाई निरन्तरता दिनका लागि सम्पूर्ण सहकारी संघ संस्थाहरु र राष्ट्रिय सहकारी बैकले प्रतिवद्धता व्यक्त गरेका छन् । वैठकले महाभुकम्पबाट पीडितहरूको उद्धारका लागि केन्द्रस्तरमा राष्ट्रिय सहकारी संघ र जिल्ला स्तरमा जिल्ला सहकारी संघका प्रतिनिधिहरुलाई सहभागी गराई यस क्षेत्रको प्रतिनिधित्वका लागि अनुरोध गरेको छ । साथै राष्ट्रिय सहकारी संघको आव्हान अनुसार अन्तराष्ट्रिय सहकारी महासंघ लगायतका अन्तराष्ट्रिय संघ संस्थाहरुद्वारा सहयोग गर्ने वचनवद्धता प्रति समेत धन्यवाद दिएको कुरा ढकालले जानकारी दिए ।
महाभुकम्पबाट अति प्रभावित जिल्लामा स्थानीय सहकारी संघ/संस्थाहरूलाई यथाशक्य उद्धार र राहत कार्यमा संलग्न हुन आव्हान गर्दै भुकम्पको सम्भावित खतराबाट वच्न सुरक्षित तवरले आ आफ्नो स्थानमा रहन समेत आव्हान गरेको छ ।


प्र तिक्रिया दिनुहोस !

सम्बन्धित खबरहरु

नेफ्स्कून र जिल्ला बचत संघ बर्दियाबीच साझेदारी सम्झौता
पर्यटन सहकारी प्रवद्र्धन सम्‍बन्‍धी रणनैतिक योजना निर्माण
प्रारम्‍भिक साधारण सभा
सहकारी अभियन्ता योगराज पौडेलको निधन