लघु जलविद्युत् आयोजना बन्द


बनेपा, ११ जेठ । भूकम्पले सबै क्षेत्रलाई तहसनहस बनाइरेहका बेला काभ्रेपलाञ्चोकमा रहेका केही लघु जलविद्युत् आयोजना बन्द भएका छन् ।

महाभारत शृङ्खला डाडाँपारी रहेको फलामेटार, फोक्सिङटार, मिल्चे माझिफेदालगायतका गाविसमा १५ देखि २० किलोवाट क्षमताका लघु जलविद्युत् आयोजना भूकम्पका कारण पूर्ण रुपले क्षति हुँदा बन्द भएका हुन् । जिविसको वातावरण, ऊर्जा तथा जलवायु परिवर्तन शाखाका प्रमुख अन्जित गौतमका अनुसार ती लघु जलविद्युत् आयोजनाबाट ६० किलोवाट विद्युत् उत्पादन हँुदै आएको थियो ।

बीसवटा लघु जलविद्युत् आयोजनाको कुलो भत्किएको, चिरा परेको र खम्बा ढलेका छन् । बन्द भएका लघु जलविद्युत् आयोजनाबाट त्यस क्षेत्रका ६०० घरधुरी प्रभावित भएका छन् । विद्युत् उत्पादन अवरुद्ध भएपछि कुटानी र पिसानीको कार्य समेत प्रभावित भएको छ । जिल्लाको ग्रामीण क्षेत्रका आयोजनाबाट ७०० किलोवाट विद्युत् उत्पादन हुदैं आएको छ ।

जिल्लाका विभिन्न गाविसमा गरी कुल ३० वटा लघु जलविद्युत् आयोजना छन् ।


प्र तिक्रिया दिनुहोस !

सम्बन्धित खबरहरु

भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक
सिवाईसी र कश्मिसेरा एकीकरण हुने
को–को परे कांग्रेसको वित्तीय तथा सहकारी संस्था समन्वय विभागमा ?