सहकारीमा क्रियाशील हुने क्रम बढ्दै


म्याग्दी, जेष्ठ १८ । सहकारीमा आकर्षण बढ्दै गएको छ । केही गाउँका प्रत्येक घरधुरीहरु सहकारीमा आबद्व हुन थालेका छन् ।
म्याग्दीका ग्रामीण भेगमा सञ्चालित महिला सहकारीले सबै घरधुरीलाई आबद्ध गराउने अभियान चलाएपछि सो क्ष्क्षेत्रका अधिकांश महिला सहकारीमा आबद्व भएका छन् । महिलाको सामाजिक, आर्थिक रुपान्तरणका लागि विभिन्न गाविसमा सञ्चालित महिला सहकारीले गाविसभित्रका शतप्रतिशत घरधुरीलाई सहकारीमा आबद्ध गराउन लागेका हुन् ।
महिला तथा बालबालिका कार्यालयले प्रवद्र्धन गरेका तथा प्लान नेपाल र सहमति संस्थाको साझेदारीमा सञ्चालित परियोजनाको सहयोगमा स्थापना भएका महिला सहकारीले सबै घरधुरीलाई समेट्न थालेपछि सहकारीको कारोबारसमेत बढेको छ ।

हालसम्म जिल्लामा आठ गाविसमा रहेका महिला सहकारीले शतप्रतिशत घरधुरी आबद्ध गराइसकेका छन् । त्यसमध्ये कुइनेमङ्गले, दग्नाम, झिँ र कुहुँलाई शतप्रतिशत घरधुरी सहकारीमा आबद्ध भएको गाविस घोषणा गरिएको सहमति संस्थाका जिल्ला कार्यक्रम संयोजक शिव सुवेदीले बताउउनुभयो ।
निस्कोट, लुलाङ, चिमखोला र बेगखोलामा रहेका महिला सहकारीले शतप्रतिशत घरधुरी सहकारीमा आबद्ध गराइसकेकाले औपचारिकरुपमा घोषणा गर्ने तयारी भइरहेको बताइएको छ ।

कुइनेमङ्गले गाविसमा रहेका २३१, दग्नामका २३५, झिँका २९९ र कुहुँका ७३६ घरधुरी स्थानीयस्तरमा सञ्चालित महिला सहकारीमा आबद्ध भएका छन् ।

महिला सहकारीको क्षमता तथा संस्थागत विकासका लागि महिला तथा बालबालिका कार्यालयसँगै गैरसरकारी संस्थाले समेत सहकारी लक्षित कार्यक्रम सञ्चालन गर्दै आएका छन् ।

सहमति र प्लान नेपालको साझेदारीमा जिल्लामा सञ्चालित बालिका शक्ति परियोजना र सामाजिक समावेशीकरण तथा विभेदरहित परियोजनाअन्तर्गत स्वावलम्बी महिला समूह तथा सहकारी प्रवद्र्धन कार्यक्रममार्फत बेनी नगरपालिकाअन्तर्गतका १० वडा र २२ गाविसमा रहेका महिला सहकारीलाई सहयोग गर्दै आएको जनाएको छ ।

परियोजना सञ्चालन भएका गाविसमा महिला स्वावलम्बी समूह गठन, व्यवस्थापन र सहकारी शिक्षासम्बन्धी तालिम, सहकारी दर्ता, फर्निचर तथा स्टेसनरी सहयोगसँगै सहकारीका व्यवस्थापक र सहजकर्ताका लागि तलबस्वरुप प्रशासनिक खर्चसमेत सहयोग गर्दै आएको सहमति संस्थाका जिल्ला कार्यक्रम संयोजक सुवेदीले बताउनुभयो ।

२७ महिला सहकारीमा हालसम्म ११ हजार ३३७ घरधुरी आबद्ध भइसकेका छन्, । घरमहिला सहकारीले नौ करोड रुपैयाँभन्दा बढीको कारोबार गरिसकेका छन् भने ५०३ वटा स्वावलम्बी महिला समूह क्रियाशील छन् ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न