बजेटबाटै पुनर्निर्माणका योजना ः अर्थमन्त्री डा महत


अर्थमन्त्री डा रामशरण महतले भूकम्पले क्षतविक्षत नेपाललाई यथाशीघ्र पुनर्निर्माण गरी अझ सुन्दर, भूकम्प प्रतिरोधी र मजबूत बनाइने बताउनुभएको छ ।

नुवाकोट बालकुमारीस्थित महादेव माध्यमिक विद्यालयको अस्थायी भवनको उद्घाटन गर्दै अर्थमन्त्री डा महतले आगामी बजेटमै पुनर्निर्माणका कार्यक्रमहरुको घोषणा गरिने पनि स्पष्ट पार्नुभयो । उहाँले भन्नुभयो, क्षति ठूलो भएकोले स्वदेशी साधन र स्रोतबाट मात्र पुग्दैन । यस्तो बेलामा मित्रराष्ट्र तथा दाता संस्थाहरुबाट सहयोग परिचालन गर्न थुप्रै प्रयासहरु भैरहेका छन ।
आगामी असार १० गते दाताहरुको अन्तर्राष्ट्रिय सम्मेलन गर्न लागिएको र सम्मेलनमा व्यक्त हुने सहयोग प्रतिवद्धतासँगै असारभित्रै बजेट ल्याई पुनर्निर्माणमा केन्द्रित हुने उहाँले स्पष्ट पार्नुभयो । विद्यालय, निजी आवास, सरकारी भवन, राष्ट्रिय तथा अन्तराष्ट्रिय सम्पदा, मठमन्दिरहरुको पुनर्निर्माण शीघ्र गरिने जनाउँदै उहाँले निजी आवासका लागि भूकम्प प्रतिरोधी नमूना उपलब्ध गराउने उल्लेख गर्नुभयो ।
८२ बर्षकै सबैभन्दा ठूलो विपत् भोगिएको र विपत् व्यवस्थापनको तयारीको कमजोर क्षमता भएपनि सरकारले आफ्नो सम्पूर्ण शक्ति परिचालन ग¥यो । राष्ट्रिय तथा अन्तर्राष्ट्रिय सहयोग परिचालन ग¥यो । यसले गर्दा विकट गाउँहरुमा समेत राहत तथा उद्दारका काम पूरा गर्न सकियो । कोही मान्छेले औषधि नपाएर वा खान नपाएर मर्न परेको खबर छैन । उहाँले भन्नुभयो, उद्दार तथा राहतका काम सकिएको छ र अस्थायी निजी तथा अस्थायी विद्यालयहरु बर्षाअघि नै तयार भैसक्ने भन्दै बर्षापछि स्थायी पुनर्निर्माण थालिनेछ । उहाँले सडक, खानेपानी लगायत नियमित योजनाहरु पनि अगाडि बढ्ने जानकारी दिनुभयो ।
अर्थमन्त्रीले भन्नुभयो, भूकम्पले धनजनको ठूलो क्षति मात्र गरेको छैन, नेपालीको मनस्थिति र आत्मवलमा समेत क्षति पु¥याएको छ । तर सँगसँगै अहिले नेपाली नेपालीबीच एकताको माहौल पनि बनेको छ । यसले गर्दा हामी वैशाख १२ भन्दा अघिको अवस्थामा छिटै फर्किनेछौं र त्योभन्दा राम्रो अवस्थामा पुग्ने हाम्रो चाहना पनि पूरा हुनेछ ।
उहाँले भूकम्पको पीडा विर्सेर मेहनतका साथ पढेर उत्कृष्ठता हासिल गर्न विद्यार्थीहरुलाई सल्लाह दिनुभयो । कार्यक्रममा कांग्रेस जिल्ला सचिव रमेशकुमार महत, समाजसेवी प्रमोद रिमाल, जिविस प्रतिनिधि तथा स्रोतव्यक्ति मीनबहादुर श्रेष्ठ, रामजी पौडेल र आर्थिक सहयोग उपलब्ध गराउने अच्युत गुरागाई, शिक्षक रामप्रसाद गुरागाईले पनि बोल्नुभएको थियो । अमेरिका निवासी वैकुण्ठ शर्मा तथा स्थानीय अच्युत गुरागाई, रामप्रसाद गुरागाईलगायतको सहयोगमा विद्यालयको अस्थायी पुनर्निर्माण गरिएको छ र पठनपाठन शुरु गरिएको छ । भूकम्पका कारण पूरै विद्यालय ध्वस्त भै पठनपाठन रोकिएको थियो ।
सो अवसरमा अर्थमन्त्री डा महतले विद्यार्थीहरुलाई पाठ्यसामाग्री, पोशाक तथा आर्थिक सहायता उपलब्ध गराउनेहरुलाई प्रशंसापत्र दिनुभएको थियो ।


प्र तिक्रिया दिनुहोस !

सम्बन्धित खबरहरु

बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक