तातोपानी नाकाको कारोबार प्रभावित, अब रसुवा नाका खोलिने


काठमाडौँ, ९ असार । भूकम्पका कारण तातोपानी नाका बन्द भएपछि रसुवा नाकाबाट कारोबार अघि बढाइने भएको छ ।

व्यवस्थापिका संसद कृषि तथा जलस्रोत समितिको आज सिहदरबारमा बसेको बैठकमा अर्थमन्त्रायका राजस्व सचिव नवराज भण्डारीले सो कुराको जानकारी दिनुभएको हो । सभासद् अमृतकुमार बोहराले भूकम्पका कारण तातोपानी नाका बन्द हुँदा दैनिक करोडाँैको कारोबारमा प्रत्यक्ष प्रभाव परेको र सयाँै कन्टेनर अझै पनि खासामा अलपत्र परेको छ भन्दै सरकारको ध्यानाकर्षण गराउनुभएपछि उहाँले सो जानकारी दिनुभएकोे हो ।

समितिका सभापति गगन थापाको अध्यक्षमा बसेको सो बैठकमा सचिव भण्डारीले तातोपानीस्थित नेपालको सीमामा रहेका केही कन्टेनर स्कर्टिङ गरेर ल्याइएको तर सीमापारी भने अझै ५०० कन्टेनर रोकिएको बताउनुभयो । नाका खुलाउन नेपाल सरकार तयार भए पनि चिनियाँ पक्षले केही प्राविधिक समस्या देखाएकाले काम अघि बढ्न नसकेको उल्लेख गर्दै उहाँले तत्कालै सो नाका खुला गर्न सक्ने स्थिति नदेखिएकाले आगामी दसँैका लागि रसुवा नाकाबाट कारोबार अघि बढाउने तयारी भएको जानकारी दिनुभयो ।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न