लालीगुरास बहुउद्धेश्यीय सहकारी संस्थालाई ०७१ सालको उत्कृष्ठ सहकारी व्यवसाय पुरस्कार


ललितपुर । पुल्चोक स्थित श्री लालीगुरास बहुउद्धेश्यीय सहकारी संस्थालाई ०७१ सालको उत्कृष्ठ सहकारी व्यवसाय पुरस्कार प्रदान गरिएको छ ।

९३ औं अन्तराष्ट्रिय २१ औं संयुक्त राष्ट्र संघ अन्तराष्ट्रिय सहकारी दिवस तथा २२ औ राष्ट्रिय सहकारी संघ दिवसको अवसरमा सो सहकारीलाई उत्कृष्ठ सहकारी व्यावसायी पुस्कार प्रदान गरिएको हो । देशभर बाट छनौट भएका सहकारीहरु मध्यबाट सो सहकारी लाई उत्कृष्ठ पुरसकार प्रदान गरिएको हो । सरकारलाई झण्डै साढे ३ करोड रुपिया बराबरको रजश्व बुझाउन सफल सो सहकारीले लाली गुरास अस्पताल एण्ड रिसर्च सेन्टर, लालीगुरास राष्ट्रिय उमावि, चितवनमा डेरी फर्म, जयलालीगुरास इन्भेसमेन्ट एष्ड ट्रेडिङ सेन्टर, भैरवकुञड हाइड्रो पावर संचालन गरेको छ ।

सोही मुल्याङकनको आधारमा सो संस्थालाई सम्मान गरिएको हो । अर्थ मन्त्री डा. रामशरण महतले श्री लालीगुरास बहुउद्धेश्यीय सहकारी संस्थाका कार्यवाहक अध्यक्ष अमरदास श्रेष्ठलाई पुरस्कार प्रदान गर्नुभएको थियो । त्यसैगरी मकवानपुरको जिल्ला दुध्द उत्पादक सहकारी संघ लिमिटेड मकवानपुर, नेपाल बहुउद्धेश्यीय सहकारी संस्था लिमिटेड मेचीनगर झापा, ग्रामीण वचत तथा ऋण सहकारी संस्था वर्दघाट नवलपरासी, कस्तुर बहुउद्धेश्यीय सहकारी संसथा खलंगा जाजरकोट र महिला जागरण बचत तथा ऋण सहार संस्था लिमिटेड मकवानपुरलाई समेत पुरस्कृत गरिएको थियो ।

पुरस्कार वितरण कार्यक्रमलाई सबोधन गर्दै अर्थमन्त्री डा. महतले शक्तिसाली भुकम्पको चपेटामा परेकालाई सहयोग गरेर सहकारीले उच्च कोटीको कार्य गरेको बताउनुभयो । उहाले नेपालको विकासगर्न सहकारीलाई अघि बढाउनुपर्ने बताउनुभयो । पुर्व गभर्नर युवराज खतिवडाले जोखिमपुर्ण अवस्थामा सहकारीले गरेको कार्य प्रशंसनीय रहेको चर्चा गर्दै विपद् व्यवस्थापनमा सरकारले सहकारीको सहयोग लिनुपर्ने बताउनुभयो । कार्यक्रममा मुख्य सचिव लिलामणी पौडेलले नेपालको आर्थिक विकासको लागि सहकारीले मुख्य भुमिका खेल्नुपर्ने बताउदै अबको दिनमा सहकारीलाई मर्ज गरेर आर्थिक विकास का लागि छिमेकी मुलुकसंग प्रतिस्पर्धा गर्नुपर्ने उल्लेख गर्नुभयो । विकास आत्मकेन्द्रीय सहकारी संघका सल्लाहकार एवं पुर्व मन्त्री गणेश साह, संघका सदस्य रविन्द्र केसी अध्यक्ष एवं सभाषद केशव वडाल लगायतले बोल्नुभएको थियो ।


प्र तिक्रिया दिनुहोस !

सम्बन्धित खबरहरु

बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक