सहकारी खारेज हुने क्रम बढ्यो


चितवन, असार ३१ । सहकारी खारेज हुने क्रम बढेको छ । लगातार दुई वर्षसम्म निश्क्रिय रहेका सहकारी खारेज हुने क्रम बढेको छ । चितवनमा सहकारी खारेज हुने संस्खा बढेको डिभिजन सहकारी कार्यालय चितवनले जनाएको बछ ।
सूचीमा परेका जिल्लाका २९ वटा सहकारीमध्ये २१ सहकारी खारेज हुने भएका छन् । आठ वटा सहकारी संस्था ३५ दिने सूचनाभित्रमा सम्पर्कमा आएको तर २१ वटा नआएकाले खारेज हुने भएका हुन् ।
“आठ वटा सम्पर्कमा आएका छन्, उनीहरुको हकमा छानबिन हुन्छ, सम्पर्कमा नआउने २१ वटालाई खारेज गरिन्छ” नेपालले भन्नुभयो । जसमध्ये सबैभन्दा बढी बचत तथा ऋण सहकारी खारेजीको सूचीमा छन् । यसअघि दुई वर्षदेखि कारोबारमा निस्क्रिय रहेका र नियमबमोजिम विवरण नबुझाएका २९ सहकारी खारेजीको सूचीमा परेकाले ३५ दिनको सूचना प्रकाशित गरी सम्पर्कमा आउन भनिएको थियो ।

सहकारी ऐन २०४८ को दफा ३४ अनुसार गतिविधि बुझाउनुपर्ने, लेखा प्रतिवेदन, साधारणसभाको बैठक प्रतिवेदन तथा तोकिएका अन्य विवरण पेस गर्नुपर्ने प्रावधान छ । उक्त प्रावधान पूरा नगर्ने र २०६९ सालदेखि निस्क्रिय रहेका सहकारी खारेजीको सूचीमा थिए । तेह्रवटा बचत सहकारी, कृषि र दुग्ध गरी नौवटा, पाँच वटा कृषि सहकारी र दुई वटा बहुउद्देश्यीय सहकारीलगायत खारेजीको सूचीमा रिहेका छन् । जसमा प्रज्वल बचत, विक्रमबाबा, पाण्डव महिला, बघौडा महिला, पटिहानी सञ्जाल महिला, तुलसी, भीमसेन, त्रिशूली, हर्नरी, पुञ्ज, अनमोल बचत तथा ऋण सहकारीलगायतका थिए ।

त्यस्तै दुईवटा बहुउदेश्ययीय सहकारीमा लवकुश र भोजबाबा रहेका छन् । शारदा, वनगाई, पञ्चकन्या, शीतल, बेलहट्टा र शिवनारायण दुग्ध उत्पादक सहकारी पनि खारेजीको सूचीमा रहेको छ । कृषितर्फ लोथर, हितकारी, जागरण, उत्साह, प्राङ्गारिक र देवचम्पा कृषि सहकारी खारेजीको लाइनमा छन् । पारिजात स्वास्थ्य सहकारी र जुगेडी ग्रामीण विद्युत् वितरण सहकारी थिए । जसमा सात वटा बचत र एउटा दुग्ध सहकारी सम्पर्कमा आएका छन् ।
चितवनमा यो वर्ष पाँच सहकारी संस्था गाभिएका छन् । रत्ननगरका तीनवटा जडीबुटीसम्बन्धीका सहकारी तथा शारदानगरको दुई वटा बचत तथा ऋण सहकारी गाभिएका छन् । सहकारी प्रशिक्षण तथा डिभिजन कार्यालयका प्रशिक्षण एवम् सूचना अधिकारी श्रीकृष्ण नेपालले रत्ननगरमा रहेको गोदावरी, उन्मुक्ति तथा दीर्घायु जडीबुटी उत्पादक सहकारी संस्था गाभिएर दीर्घायु जडीबुटी उत्पादक सहकारी संस्था बनाइएको छ । यस्तै आर्थिक सुधार बचत र पवित्र बचत सहकारी मिलेर पवित्र आर्थिक सुधार बचत तथा ऋण सहकारी संस्था बनेको छ ।

जिल्लामा अहिलेसम्म कुल ६७६ सहकारी दर्ता भएका छन् । यहाँ नौवटा विषयगत सहकारी छन् । अघिल्लो वर्ष २२ सहकारी खारेज भएका थिए । यो वर्ष २६ सहकारी थपिएका छन् ।


प्र तिक्रिया दिनुहोस !

सम्बन्धित खबरहरु

इन्द्रस्थानको सातौँ वार्षिक साधारण सभा सम्पन्‍न
बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर