सहकारी सचेतना वर्षका रुपमा मनाउने


बाग्लुङ, साउन ५ । आदर्श सञ्चार सहकारी संस्था लिमिटेड बागलुङले आर्थिक वर्ष २०७२र०७३ लाई सहकारी सचेतना वर्षका रुपमा मनाउने भएको छ ।
संस्थाले सेयर सदस्यलगायत समुदायमा सहकारीसम्बन्धी जानकारी दिने, सेयर सदस्य वृद्धि लगायतका योजनासहित सहकारी सचेतना अभियान सञ्चालन गर्न लागेको हो ।

सचेतना अभियान सञ्चालनका लागि संस्थाले आठ लाख ८५ हजार बजेट विनियोजन गरेको छ । अभियानबाट सेयर सदस्य, सेयर पँुजी, आम्दानी तथा सेयर सदस्यको आर्थिक तथा सामाजिक विकास हुने लक्ष्य संस्थाले लिएको छ ।

अभियानअन्तर्गत प्रत्येक साता एउटा कार्यक्रम गर्ने, सबै गाविस र बागलुङ नगरपालिकाका सबै वडामा उपसमिति गठन गरी गतिविधि सञ्चालन गर्ने बताइएको छ । सहकारीको प्रवद्र्धनका लागि दशवर्षे रणनीतिक योजना नै बनाएर अगाडि बढ्ने योजना संस्थाको छ ।
सहकारीले धौलागिरि जागरण दैनिक र अग्रसर साप्ताहिक पत्रिका प्रकाशन, बचत तथा ऋण कार्यक्रमका साथै सामाजिक गतिविधि समेत गर्दै आएको छ ।
संस्थाले गत आर्थिक वर्षमा ४० करोडको कारोबार गरेको जनाइएको छ । विसं २०८० सम्म संस्थामा पाँच हजार सेयर सदस्य र १२ करोड ५० लाख सेयर रकम पुर्याउने लक्ष्य रहेको सहकारीले जनाएको छ ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न