प्रस्तावनामै सहकारी राख्न माग


काठमाडौं, साउन ७ । राष्ट्रिय सहकारी संघले तीन खम्बे अर्थनीतिअनुरुप सहकारीलाई सबल खम्बाको रुपमा स्थापित गर्न संविधानको प्रस्तावनामै सहकारीलाई समेट्न सुझाव दिएको छ ।
संविधानसभाका अध्यक्ष सुवास नेम्वाङलाई संघका अध्यक्ष केशवप्रसाद बडालले लिखित सुझाव बुझाउँदै मस्यौदाको प्रस्तावमा सार्वजनिक, सहकारी र निजी क्षेत्रमार्फत आथिर्क समानता भन्ने शब्द उल्लेख गर्न माग गरेको हो । सहकारीमार्फत आर्थिक विकास संभव भएको भन्दै संघले सहकारीमार्फत आर्थिक क्रान्ती गर्न सकिने खाका बनाएको छ । सहकारीबाट रचनात्मक काम गर्न सकिने भन्दै संघले २ सय पृष्ठ लामो आफ्नो सुझाव नेम्वाङलाई बुझाएको छ ।
संघले् राज्य नीतिअन्तर्गतको अनुसूचीमा रहेका सामाजिक सांस्कृतिक रुपान्तरण, अर्थ वाणिज्य, कृषि, नागरिकको आधारभूत आवश्यकता र पर्यटनसम्बन्धी नीतिमा सहकारीलाई समेट्न आग्रह गरेको छ । त्यस्तै सामाजिक, सांस्कृतिक तथा सेवामूलक कार्य, राष्ट्रिय अर्थतन्त्रको विकास, जग्गाको चक्लाबन्दी गर्ने भू–नीति, शिक्षा, स्वास्थ्य, आवास विकास, पर्यटन विकासमा सहकारीको समेत भूमिका स्पष्ट उल्लेख गर्न सुझाईएको छ ।
सुभाव हस्तान्तरण कार्यक्रममा सभासद् समेत रहेका राष्ट्रिय संघका अध्यक्ष बडालले सहकारीमा ४७ लाख सर्वसाधारण आबद्ध भएको र यसले देशको आथिर्क–सामाजिक रुपान्तरणमा ठूलो भूमिका खेल्ने जानकारी दिनुभयो ।
सुझाव बुझ्दै संविधानसभा अध्यक्ष नेम्वाङले संविधान सहकारीमैत्री हुने प्रतिवद्वता व्यक्त गर्नुभयो । सहकारी क्षेत्रबाट प्राप्त सुझावलाई समेट्न अधिकतम प्रयास गरिने उहाँको भनाई थियो । ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न