सेजनको नयाँ अध्यक्षमा अवस्थी


निकटतम प्रतिद्वन्दी चालिसे ३१ मतको फराकिलो अन्तरले पराजित

काठमाडौं, ११ भदौ – नेपाल आर्थिक पत्रकार समाज सेजनको अध्यक्षमा गोकर्ण अवस्थी चयन भएका छन् । सेजनको आगामी नेतृत्व चयनका लागि आज भएको मतदानमा उहा निकटतम प्रतिद्वन्दी कुवेर चालिसेलाई ३१ मत अन्तरले पराजित गर्दै विजयी भएका हुन् । उनले १ सय ९ मत प्राप्त गर्दा निकतम प्रतिद्वन्दी चालिसेले ७८ मत मात्र पाए । चालिसे र अवस्थी सेजनका पूर्व उपाध्यक्ष हुन् । यसैगरी उपाध्यक्षमा पुष्पराज आचार्य, महासचिवमा मोदनाथ ढकाल, सचिवमा राजाराम श्रेष्ठ विजयी हुनुभएको छ भने कोषाध्यक्षमा भिम गौतम चयन भएका छन् । अन्य सदस्यहरुमा सरस्वती ढकाल, सविन मिश्र, भागवत भट्टराई, सुजन ओली र अनिल परियार विजयी भएका छन् ।
सेजनका २ सय ४९ सदस्यमध्ये २ सय १४ मत मात्रै खसेको थियो । सेजनको १६ औं साधारणसभाले आगामी कार्यकालका लागि १० सदस्य चयन गरेको छ भने बाँकी ३ जना नया कार्यसमितिले मनोनयन गर्नेछ । विजयी भएपछि अध्यक्ष अवस्थी आर्थिक पत्रकारका मुद्दा सम्बोधनका लागि कुनै कसर बाँकी नराख्ने बताए । सात जना आर्थिक पत्रकार मिलेर ०५४ सालमा स्थापना गरेको सेजनमा हाल पत्रपत्रिका, टेलिभिजन, रेडियो र अनलाइनमा आर्थिक विषयमा कलम चलाउने २ सय ४९ जना आर्थिक पत्रकारहरु साधारण सदस्य छन् । सेजनका संस्थापक अध्यक्ष प्रतीक प्रधान हुन् । उनी हाल प्रधानमन्त्री सुशील कोइरालाका प्रेस सल्लाहकार छन् । प्रधानपछि गजेन्द्र विष्ट अध्यक्ष भएका थिए । उनी हाल अर्थमन्त्री डा रामशरण महतका प्रेस सल्लाहकार छन् ।
बिष्टपछि गोपाल तिवारी सेजनको अध्यक्ष भएका थिए । हाल उनी नेपाल व्यवसायी मञ्चको सचिवालय प्रमुख छन् । तिवारीपछि अध्यक्ष भएका विजय घिमिरे हाल अमेरिकामा छन् । घिमिरेपछिका अध्यक्ष किरण नेपाल हाल हिमाल खबर पत्रिकाका सम्पादकको रुपमा कार्यरत छन् । नेपालपछि अध्यक्ष भएका नारायण सापकोटा हाल अमेरिका छन् ।
सापकोटापछिका अध्यक्ष प्रदीप चापागाई हाल नेपाल टेलिभिजनमा कार्यरत छन् भने निवर्तमान अध्यक्ष विज्ञान अधिकारी बिजमाण्डूमा कार्यरत छन् ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न