सहकारी नेपाल डट कमको प्रधान सम्पादकमा पुरुषोत्तम दाहाल


काठमाडौं, ४ असोज, नेपाली पत्रकारिता क्षेत्रमा लामो अनुभव संगालेका वरिष्ठ पत्रकार पुरुषोत्तम दाहाल सूचना चौतारी सञ्चार सहकारी संस्था लि।बाट सञ्चालित सहकारी नेपाल डटकम, हरेकपल डटकम र सहकारी नेपाल मासिकको प्रधानसम्पादकमा अनुबन्धित भएका छन् ।

२०३४ देखि पत्रकारिता गर्दै आएका दाहालले नेपाल टाइम्स दैनिक, राष्ट्रपुकार साप्ताहिक, नेपालवाणी साप्ताहिक, देशान्तर साप्ताहिक, चेतना साप्ताहिक जस्ता धेरै अखबारहरुमा काम गरिसकेका छन् । २०४६ सालको आन्दोलन पछि उनले रेडियो नेपालमा बहुचर्चित कार्यक्रम ’घटना र विचार’ कार्यक्रमका संस्थापक प्रस्तोता, राष्ट्रिय समाचार समितिको अध्यक्ष, कृष्णप्रसाद भट्टराई प्रधानमन्त्री रहँदा सञ्चार सल्लाहकार समेत रहेर काम गरिसकेका छन् । राजधानी दैनिक निस्कदा उनी संस्थापक प्रधान सम्पादक थिए । जुन पत्रिका प्रकाशनको शुरुवातमै पाठकहरुमाझ लोकप्रिय बनेको थियो । २०५९ पछि दुई वर्ष च्यानल नेपालको ’अग्निपरीक्षा’ कार्यक्रमका प्रस्तोता भएर टेलिभिजन पत्रकारितामा पनि उनले नौलो आयाम थपे ।
उनको जन्म पण्डित रत्नप्रसाद र आमा टिकाकुमारीको कोखबाट २०१५ मंसिर १३ गते ओखलढुङ्गा जिल्लाको बिगुटारमा भएको हो । २०६२र६३ को जनआन्दोलनमा लोकतान्त्रिक गणतन्त्रको पक्षमा उनको अगुवागीमा अभियान चलाएर महत्वपूर्ण योगदान गरेका छन् ।
राजनीतिशास्त्रमा स्नातकोत्तर तह उतिर्ण गरेका दाहाल संस्कृत विश्व विद्यालय अन्तर्गत प्राध्यापक पेशामा पनि आबद्ध छन् । उनी एक मानवअधिकारवादी पनि हुन् । उनी २०४५ मा स्थापित नेपाल मानवअधिकार संगठनका संस्थापकमध्ये एक हुन् । २०५३ जेठमा स्थापित मानवअधिकार तथा शान्ति समाजमा सभापति समेत भइसकेका छन् । हाल सगरमाथा बाङ्मय प्रतिष्ठानका अध्यक्ष समेत रहेका दाहालले विभिन्न साहित्यक पत्रिकाहरु समेत सम्पादन गरिसकेका छन् । उनले एक दर्जन भन्दा बढी देशको भ्रमण गरिसकेका छन् । एकल र संयुक्त लेखनबाट उनका पुस्तकहरु पनि प्रकाशित छन् । उनले महेन्द्रविक्रम मानवअधिकार पुरस्कार, प्रेस काउन्सिल गोपालदास पत्रकारिता पुरस्कार २०५८, गोरखा दक्षिणबाहु चौंथो आदि प्राप्त गरिसकेका छन् । समाजसेवामा बढी सक्रिय रहने दाहाल महेन्द्रनारायण निधि स्मृति प्रतिष्ठानका अध्यक्ष हुन् ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न