अर्थतन्त्र धराशायी


काठमाडौं । उद्योगधन्दा थप्प हुदाँ नेपालको अर्थतन्त्र धराशायी भएको छ । भारतको नाकाबन्दी र तराई मधेस आन्दोलनले अर्थतन्त्र डामाडोल स्थितीमा पुगेको छ ।
उद्योग धन्दा बन्द हुनुका साथै राजस्व असुली, निजी क्षेत्रले गुमाएको पैसा र लगानीमा निकै ठूलो नकारात्मक असर परेको छ । रोजगारी गुम्न सक्ने अवस्था सिर्जना भएको छ । केही उद्योगहरुले नाकाबन्दी र भुकम्पका कारण कर्मचारी कटौटीसमेत गर्न थालेका छन् ।

भन्सार विन्दुमा संकलन हुने राजस्व करिव २५ अर्ब भन्दा बढी रुपैयाँ गुमेको छ । साउनदेखि कात्तिकसम्म ६० अर्ब रुपैयाँ राजस्व संकलन हुनुपर्ने थियो तर कात्तिक १८ गतेसम्म जम्मा ३५ अर्ब रुपैयाँ मात्र उठेको तथ्यांकले देखाएको छ ।

भन्सार विभागका महानिर्देशक शिशिर ढुंगानाले ‘कुल लक्ष्यको ६९ प्रतिशत मात्रै भन्सार उठेको जानकारी दिए । यही बेला सबैभन्दा धेरै राजस्व संकलन हुनुपथ्र्यो तर लक्ष्यभन्दा धेरै कम भयो’ उनले भने । अहिलेको संकटले वार्षिक लक्ष्यलाईई प्रत्यक्ष असर पु¥याउन सक्ने उनले जानकारी दिए ।
साउनदेखि कात्तिकसम्म बार्षिक लक्ष्यको करिब ३० प्रतिशत राजस्व संकलन हुनुपर्छ । तर, यस वर्ष यही समयमा निकै ठूलो धक्का लाग्यो । दसैं, तिहार र छठ जस्ता नेपालीका महत्वपूर्ण चाडपर्व समेत सकिने भएकोले आयात केन्द्रित राजस्वमा पछि पुर्ति हुने अवस्था देखिएको छैन्।

गत वैशाखमा गएको भूकम्पले पनि राजस्व असुलीमा ठूलो नोक्सानी पुर्‍याएको थियो । गत वर्ष पनि लक्ष्यभन्दा ३० अर्ब रुपैयाँ कम राजस्व संकलन भएको थियो ।

निजीक्षेत्रले दैनिक करिब दुई अर्ब रुपैयाँ नोक्सान भोगिरहेको नेपाल उद्योग वाणिज्य महासंघले जनाएको छ । महासंघका अध्यक्ष पशुपति मुरारलको निजी क्षेत्रले धान्नै नसक्ने गरि नोक्सान व्यहोरिसकेको जानकारी दिदैँ थप लगानी गर्न सक्ने अवस्था नरहेको बताएका छन् ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न