सहकारीले रोजगार बढाए


सुर्खेतमा सहकारीले रोजगार बढाएका छन् । सहकारीको आर्थिक क्रियाकलाप बढ्दै गएपछि रोजगारी दिने क्षमता बढ्दै गएको हो ।
डिभिजन सहकरी कार्यालय सुर्खेतमा गत आर्थिक वर्ष ०७१र७२ मा दर्ता भएका १ हजार ४९ सहकारीले हजार भन्दा बढीलाई रोजगारी दिएका छन् । शहरबजारदेखि गाउँमा खुलेका सहकारीले आर्थिक समुन्नतीसँगै स्थानीयले रोजगारी पाएपछि दंग परेका छन् ।
सहकारी संस्था दर्ता हुने संख्या बढेसंगै ती संस्थामा रोजगारी गर्नेको संख्या पनि बृद्धि भैरहेको डिभिजन सहकारी कार्यालय सुर्खेतकी सूचना अधिकारी इन्द्रा चपाईले जानकारी दिइन् । उनका अनुसार सहकारीमा रोजगारी गर्ने पुरुषको तुलनामा महिलाहरुको संख्या बढि छ । सुर्खेतको सन्दर्भमा बचत तथा ऋण सहकारी संस्थामा पुरुषको संख्या ७८ रहेकोमा महिलाको संख्या १२३ छ । यस्तै कृषि सहकारीमा पुरुषको संख्या २२ रहेकोमा महिलाको संख्या ५६ छ । यसैगरी बहुउदेश्यीय सहकारीमा पुरुष कर्मचारी ५९ जना छन् भने महिला ११८ जना छन् । यस्तै साना किसान सहकारीमा ११ पुरुष र १७ महिला कार्यरत छन् ।
त्यस्तै अन्य विभिन्न विषयगत सहकारीमा २१ पुरुष र ३४ जना महिलाले सहकारीमा रोजगार छन् । यसैगरी डिभिजन सहकारी कार्यालय सुर्खेतमा हालसम्म महिलाद्धारा सञ्चालित सहकारीको संख्या ३ वटै जिल्लामा गरी ९४ छन् । महिलाद्धारा सञ्चालित सहकारीको संख्या पनि ३ जिल्लाको तुलनामा सुर्खेत जिल्लामा बढि रहेको छ । महिलाद्धारा सञ्चालित सहकारीको संख्या सुर्खेतमा २८, दैलेखमा २३ र जाजरकोटमा ८ छन् ।
आर्थिक वर्ष ०७१र०७२ मा डिभिजन कार्यालयमा दर्ता भएका सहकारीमध्ये सुर्खेतका ६२३ दैलेखका २६७ र जाजरकोटका १५९ छन् । कार्यालयको प्रतिवेदन अनुसार ३ वटै जिल्लामा बचत तथा ऋण सहकारी संस्थाको संख्या बढि छ । सुर्खेतमा १४८, दैलेखमा ९२ र जाजरकोटमा ४० वटा बचत तथा ऋण सहकारी संस्था छन् । दोस्रोमा बहुउद्देश्यीय सहकारी संस्था छन् । प्रतिवेदनअनुसार सुर्खेतमा १२०, दैलेखमा ३९ र जाजरकोटमा ४७ बहुउद्देश्यीय सहकारी छन् । डिभिजन सहकारी कार्यालय सुर्खेतमा हालसम्म २३ प्रकृतिका सहकारी संस्था दर्ता भएर सञ्चालनमा छन् ।


प्र तिक्रिया दिनुहोस !

सम्बन्धित खबरहरु

प्रोबेसन कार्यक्रम अन्तर्गत गौरीशंकर क्लष्टरमा आबद्ध साकोसहरुबीच असल सिकाई आदान प्रदान
कैलालीको बर्दगोरियामा सहकारी व्यवस्थापन तालिम सञ्चालन
नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान