सहारा नेपालको नाफा मात्रै आठ करोड


झापा । सहारा नेपाल बचत तथा ऋण सहकारी संस्था बिर्तामोडले गत वर्ष झण्डै ८ करोड नाफा आर्जन गरेको छ ।
संस्थाले साधारणसभाका अवसरमा आर्थिक वर्ष २०७१÷०७२ मा ७ करोड ९२ लाख ८९ हजार ४ सय २६ रुपैया २६ पैसा नाफा गरेको जानकारी दिएको थियो । यो अघिल्लो वर्षको तुलनामा ५८.०७ प्रतिशतले बढी हो । अघिल्लो आर्थिक वर्ष २०७०÷०७१ मा ४ करोड ६० लाख ३९ हजार ६ सय २४ रुपैयाँ ३७ पैसा नाफा गरेको सहकारीका सचिव महेन्द्र गिरीले जानकारी दिए ।
्संस्थामा ८७ हजार महिला र तीन हजार पुरुष सदस्य भएका छन् । झापा,मोरङ, सुनसरी, इलाम, उदयपुर र पाँचथरमा ४५ वटा सेवा केन्द्रमार्फत संस्थाले आफ्नो सेवा दिइरहेको छ । सहकारीले आगामी आर्थिक वर्षमा रु १८ करोड रुपैयाँ मुनाफा गर्ने लक्ष्य लिएको सहकारीका कार्यकारी निर्देशकसमेत रहेका गिरीले जानकारी दिए । उनले थप १० स्थानमा सेवा केन्द्र खोल्ने बतँए ।
कार्यक्रममा नेपाल बचत तथा ऋण केन्द्रीय संघ (.नेफ्स्कुन)का अध्यक्ष घिमिरेले नेपालमा नै सहारा जस्तो अन्य वित्तिय संस्थाले यत्तिको सामाजिक काम नगरेको जानकारी दिए । उनले सहारा सुरक्षित भएपछि स्थाको शेयर पूँजी बढाउन उनले आग्रह गरे ।


प्र तिक्रिया दिनुहोस !

सम्बन्धित खबरहरु

नमुना महिला विकास साकोस एक्सेस् कार्यक्रममा आवद्ध
सामुदायिक साकोसको ११ औं सेवा केन्द्र
सञ्‍चालक र कर्मचारीहरुको क्षमता अभिवृद्धि तालिम
प्रबल जनसेवा श्री पदकबाट राष्ट्रिय सहकारी महासंघका सहकारीकर्मीहरु विभूषित