नेतृत्व तह जिम्मेवार ढंगबाट चल्नु जरुरी छ


आशिष खड्का
अध्यक्ष–बहुउद्देश्यीय जिल्ला सहकारी संघ लि., सिन्धुपाल्चोक
१. सिन्धुपाल्चोकका सहकारीको लगानीको प्राथमिकता के छ ?
जिल्लाका सहकारीहरुले विषयगत उद्देश्य अनुसार लगानी गरिरहेको अवस्था छ । बचत, बहुउद्देश्यीय, कफी, दुग्ध, कृषि सहकारीहरु क्रियाशिल छन् । शेयर सदस्यहरुलाई कसरी सहकारी सम्बन्धी शिक्षा, तालिमबाट जागरुक बनाउन सकिन्छ त्यही हो र सदस्यहरुको व्यवसायिकतामा जोड ।
२. सहकारी क्षेत्रको बिकासका लागि संघले के गर्दै छ ?
मुख्यत तालिम नै हो । सहकारी अगाडी बढाउन चाहिने दक्षता अभिबृद्धि गर्न हाम्रो बहुउद्देश्यीय सहकारी संघ लागि परेको छ । संघमा आवद्ध सहकारीहरुलाई समय सापेक्ष के गर्न सकिन्छ त्यसमा लागिपरेको छ । आबद्ध नभएका बहुउद्देश्यीय सहकारीलाई पनि संघमा ल्याउने योजना छ ।
३. सहकारी पैसा किनबेचमा मात्र केन्द्रित भए भन्ने छ नि, सहकारीलाई कसरी उत्पादनशील क्षेत्रमा लगानी गर्न अभिप्रेरित गर्न सकिन्छ ?
देशमा सबै विषयगत गरेर ३० हजारको हाराहारीमा सहकारी संस्था क्रियाशिल छन् । बचत तथा ऋण सहकारीलेमात्र यस्तोको मात्र कारोबार गर्ने हुन् । अन्य विषयगत सहकारीले पैसाको सँगसँगै अन्य क्षेत्रमा काम गरी अमूल्य योगदान दिएको अवस्था छ । सहकारी संस्थाहरुले उत्पादनशील क्षेत्रमा लगानी गरिरहेको अवस्था छ । जस्तो हाईड्रोपावर, व्यवसायिक कृषि, दुग्ध लगानीका क्षेत्रमा सहकारी मूल्य मान्यता र सिद्धान्त अनुसार आफूलाई समर्पित गरको अवस्था छ । यसले राष्ट्रमा दिएको योगदान धेरै महत्वपूर्ण छ भन्ने मलाई लागेको छ ।
४ सहकारीको विकासका लागि सहकारी नीति ऐन, नियम किन बन्न सकिरहेका छैनन्, तपाई काठमाडौंसँग पनि पहुँच राख्नुहुन्छ, कसरी बुझ्नुभएको छ ?
सहकारी नीति, ऐन, नियम नबनेको होइन, समक्ष सापेक्ष परिमार्जन गर्ने अवस्थामा छ । त्यो संसोधनका लागि अगाडी बढेको अवस्था छ । त्यसमा सरोकार राख्ने सहकारीका सहकारी कर्मी, अगुवा, बुद्विजीवी,तथा नीति निर्माण तहमा रहेकाहरुले राजनीतिभन्दा माथी उठेर सहकारीलाई दीर्घकालसम्म अगाडी लैजानसक्ने नीति, नियम तथा ऐन बनाउनु अत्यन्त जरुरी छ ।
५ सहकारीको विकासका लागि अभियानको भूमिका कत्तिको प्रभावकारी भएको पाउनुभएको छ ?
सहकारीको विकासका लागि अभियानको भूमिका प्रभावकारी नै भएको मैले पाएको छु । यसमा राष्ट्रिय सहकारी संघको भूमिका महत्वपूर्ण छ । देशमा भएका सबै जिल्लाका संघहरुलाई समय सापेक्ष अगाडी बढाउन चाहिने योजनाहरु, नीति नियमहरु, सहकारीको मूल्य मान्यता अनुरुप हिंडाउन चाहिने ऐन बनाउन उसको नेतृत्व सशक्त हुनु जरुरी छ । उसले खेल्ने भूमिकाले नै सहकारी अभियान कहाँ पुग्छ त्यसमा भर पर्छ । नेतृत्व तह जिम्मेवार ढंगबाट चल्नु जरुरी छ त्यसमा अन्य विषयगत केन्द्रीय संघ, जिल्ला संघ र विषयगत जिल्ला संघहरुलाई सहकारी अभियानमा हातेमालो गरी राष्ट्रिय सहकारी संघले सँगसँगै लिएर राय, सुझाव र समयको आवश्यकतालाई मध्यनजर गरी अगाडी बढेको खण्डमा अभियानले सार्थकता पाउँछ । साथै राजनीतिक आस्था भन्दा माथि उठी राष्ट्रिय सहकारी संघ, विषयगत केन्द्रीय संघ र जिल्ला संघका नेतृत्व वर्गले भूमिका खेलेको अवस्थामा सहकारी अभियानले सार्थकता पाउँदछ भन्ने मेरो बिचार छ ।


प्र तिक्रिया दिनुहोस !

सम्बन्धित खबरहरु

मकवानपुरमा सहकारी लक्षित बार्षिक योजना तथा बजेट निर्माण तालिम सम्पन्न
कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन