कफी केन्द्रीय संघमा नयाँ नेतृत्व


काठमाडौं, १४ पुस । केन्द्रीय कफी सहकारी संघको अध्यक्षमा योगेश पोखरेल निर्वाचित भएका छन् ।
तनहूको आँबुखैरेनीमा सम्पन्न संघको नवौं वार्षिक साधारणसभाले पोखरेलको अध्यक्षतामा १५ सदस्यीय नयाँ कार्यसमिति चयन गरेको हो ।
नव निर्वाचित अध्यक्ष पोखरेल यस अघिको कार्यसमितिमा संघको सचिब थिए ।
संघको नयाँ कार्यसमितिको उपाध्यक्षमा सुदर्शन बोलखे, सचिवमा शिव बोहोरा, सहसचिबमा बासुदेव मिश्र, कोषाध्यक्षमा गंगा अधिकारी निर्वाचित भएका छन् ।
त्यसैगरी संघको नयाँ कार्यसमिति सदस्यमा शेषकान्त गौतम, चित्रबहादुर बस्नेत, करुणानन्द घिमिरे, पूर्णबहादुर मोगराती, फडीनारायण अर्याल र तुलसीराज धिताल रहेका छन् ।
समितिका बाँकी चार जना सदस्यहरु नयाँ कार्यसमितिले समावेशीताको आधारमा मनोनयन गरिने संघले जनाएको छ ।
यसमा हाल १४ जिल्लाका कफी सहकारी संघ/संस्थाहरु आवद्ध रहेका छन् ।
एकल उदेश्यको सहकारीको रुपमा रहेको कफीको सहकारी केन्द्रीय संघ २०६३ मंसिर ३ गते दर्ता भई कामकाज गर्दै आएको छ ।
यसैबीच साधारणसभाले डिल्लीराम रेग्मीको संयोजकत्वमा तीन सदस्यीय लेखा समिति पनि निर्वाचित गरेको छ ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न