सहकारीलाई व्यवस्थित गर्नुपर्नेमा जोड


काठमाडौँ,  – उपप्रधानमन्त्री एवम् सहकारी तथा गरिबी निवारण मन्त्री चित्रबहादुर केसीले मुलुकको आर्थिक समृद्धिका कारण सहकारीलाई व्यवस्थित गर्नुपर्नेमा जोड दिए ।

मन्त्रालयमा आज आयोजित पत्रकार सम्मेलनमा मन्त्री केसीले सहकारी क्षेत्रमा भएका विसङ्गतिलाई व्यवस्थित गर्न सहकारी ऐन २०७२ ल्याउने तयारीमा सरकार रहेको जानकारी दिए ।

मुलुकको अर्थतन्त्रको तीन खम्बामध्येको एक खम्बाका रुपमा रहेको सहकारीलाई नियमन गर्नुपर्नेमा उनले दिए। केही सहकारीमा रहेको समस्याका कारण सम्पूर्ण सहकारी बदनाम हुन पुगेको समेत उनले दिए ।

मन्त्रालयका सचिव शङ्करप्रसाद अधिकारीले राष्ट्रिय सहकारी नीति २०६९ कार्यान्वयनमा आइसकेकाले यसमा देखिएका समस्याहरु समाधान गर्न सरकार र सहकारी संस्थाहरुको सामूहिक प्रयासको खाँचो औँल्याए।

मन्त्रालयले सहकारी प्रशिक्षण केन्द्रलाई राष्ट्रिय सहकारी प्रतिष्ठानको रुपमा स्थापित गर्न सम्भाव्यता अध्ययन गर्ने र पुनःनिर्माण गर्ने कार्य अघि बढाएको सो अवसरमा जानकारी दिइयो । नेपालभर करिब ३३ हजारको सङख्यामा सहकारी संस्थाहरु छन् ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न