पर्यटन बिकासका लागि छिमेकीलाई प्राथमिकता देउ


काठमाडौँ, ५ फागुन । बङ्गलादेशका पर्यटन व्यवसायीले नेपालको पर्यटन प्रवद्र्धनका लागि छिमेकी मुलुकलाई गन्तब्य बनाइनुपर्ने बताएका छन् ।

विश्व पर्यटन बजारमा नेपाली पर्यटनको आकर्षण बढिरहेको सन्दर्भमा अव अन्य विकसित मुलुक नभइ छिमेकी मुलुकलाई नै प्राथमिकता दिनुपर्ने उनीहरुको धारणा छ । बङ्गलादेश फाउन्डेसन अफ टुरिजम डेभलपमेन्टका प्रमुख कार्यकारी अधिकृत ९सिइओ० राजु इक्युरामले नेपालको प्राकृतिक सौन्दर्यता, सांस्कृतिक विविधताजस्ता विशेषताले पर्यटन बजार विश्व बजारमा सम्भावना रहेको बताउनुभयो ।

“हामी आज पर्यटक भित्र्याउने भनेर युरोप र अमेरिकालाई मात्रै लक्षित गर्छाँै । तर आफ्नै छिमेकी मुलुकलाई हेर्दैनौ, छिमेकी देशबाट उल्लेख्य सङ्ख्यामा पर्यटक भित्र्याउन सकिन्छ,”–उहाँले भन्नुभयो ।

विश्वमा हल्ला भएजस्तो भूकम्पले नेपालको पर्यटकीय क्षेत्रमा कुनै असर नपरेको र यहाँको सुन्दरतामा अझै आयाम थपिएको बताउँदै कार्यकारी अधिकृत राजुले पर्यटन प्रवद्र्धनका लागि बङ्गलादेश र नेपालले आपसमा पुलको काम गर्नुपर्नेमा जोड दिनुभयो । बङ्गलादेश मिडिया लिमिटेडका सिइओ सयद इस्तिकी रेजा इकतरले नेपालको पर्यटकीय सम्भावनालाई मध्यनजर गरी प्रवद्र्धनात्मक कार्यका लागि दुई देशबीच समन्वयका साथ काम गर्न जरुरी भएको बताउनुभयो ।

नेपाल पर्यटन बोर्डका प्रमुख कार्यकारी अधिकृत ९सिइओ० दीपकराज जोशीले नेपालको पर्यटनक्षेत्र पहिलाकै अवस्थामा पुगेको र पर्यटकको पर्खाइमा रहेको जानकारी दिनुभयो । नेपाल दक्षिण एसियाली क्षेत्रीय सहयोग सङ्गठन ९सार्क० पर्यटनको क्षेत्रीय हब बन्ने दरिलो आधार खडा भएको उहाँको भनाइ छ ।

बङ्गलादेशका पर्यटन व्यवसायी ‘टुर’ अप्रेटर र मिडियासहितको टोलीले केहि दिनअघि नेपालका प्रमुख पर्यटकीय गन्तव्यको अवलोकन गरेको थियो । काठमाडौँ, पोखरा, चितवन र लुम्बिनीको अवलोकन भ्रमण गरी उनीहरुले नेपाली पर्यटन निकायसँग अनुभव आदनप्रदान गरेका थिए । सहभागी अन्यले पनि भूकम्पबाट नेपालको पर्यटनको सुन्दरतामा कुनै असर नपरेको बताए ।

आयोजक अभिवादन होलिडेका सिइओ उमेश गुप्ताले नेपालको पर्यटन क्षेत्र पहिलाकै अवस्थामा रहेको र छिमेकी देश मात्र नभई विश्व बजारमा सकारात्मक सन्देश फैलाउने उद्देश्यले बङ्गलादेशी टोलीलाई अवलोकन भ्रमण गराइएको जानकारी दिनुभयो ।


प्र तिक्रिया दिनुहोस !

सम्बन्धित खबरहरु

इन्द्रस्थानको सातौँ वार्षिक साधारण सभा सम्पन्‍न
बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर