सहकारीको सक्रियतामा कृषि संकलन केन्द्र स्थापना


पोखरा, १२ फागुन । कृषि संकलन केन्द्र स्थापना भएपछि स्थानीयवासीलाई राहत मिलेको छ । स्थानीयवासीलाई सहज रुपमा कृषिजन्य सामग्री सङ्कलनमा सहयोग पु¥याउने उद्देश्यले भदौरेतामागी गाविस वडा नं १ देउरालीमा बहुउद्देश्यीय सामुदायिक भवन तथा कृषि सङ्कलन केन्द्र सञ्चालनमा आएपछि कृषकमा खुसी छाएको हो ।

कास्की, पर्वत र स्याङ्जा जिल्लाको सङ्मगस्थल मानिने पञ्चासे क्षेत्रमा पहिलोपटक कृषि सङ्कलन केन्द्रको स्थापना गरिएपछि आसपासका क्षेत्रका स्थानीयवासी लाभान्वित भएका छन् ।
जिल्ला कृषि विकास कार्यालय कास्कीको रु पाँच लाख ६२ हजार, युएससी, क्यानाडा, एसिया÷पिस कार्यक्रमबाट रु दुई लाख ५० हजार र हरियो वन कार्यक्रमबाट रु तीन लाख, हीरालाल गुरुङबाट रु तीन हजार र श्रमदान रु एक लाख गरी कुल रु १२ लाख १५ हजारको लागतमा निर्माण गरिएको भवन निर्माण समितिका संयोजक आशबहादुर गुरुङले जानकारी दिए ।

जिल्ला कृषि विकास कार्यालय कास्कीका प्रमुख वरिष्ठ कृषि विकास अधिकृत रमेश कोइरालाले एक कार्यक्रमका बीच मङ्गलबार उद्घाटन गर्दै केन्द्र तथा बहुउद्देश्यीय भवन सर्वसाधारण कृषकका लागि बहुउपयोगी हुने विश्वास व्यक्त गरे । उनले कृषिजन्य उत्पादन बढाएर सङ्कलन केन्द्रका भरपुर उपयोग गर्न स्थानीयवासीलाई आग्रह गरे ।

पञ्चासे कृषि विकास समिति, भदौरे १, २ र ३, पञ्चधाम कृषि विकास सहकारी संस्था र माछापुच्छ्र्रे विकास सङ्घले संयुक्तले रुपमा आयोजना गरेको कार्यक्रममा स्थानीयवासीले उत्पादित तरकारीको उचित बजार र ढुवानीमा समस्या रहेको गुनासो व्यक्त गरेका थिए ।

भवन निर्माण समितिका संयोजक गुरुङले यस क्षेत्रमा बहुउद्देश्यीय अरु भवन पनि आवश्यक रहेको बताए ।

पञ्चधाम कृषि विकास सहकारी संस्था लिमिटेडका अध्यक्ष लक्ष्मी गुरुङले छरिएर रहेको पुँजीलाई एकत्रित गरी कृषि क्षेत्रमा लगानी गर्न सहकारी लागिपरेको बताए । सल्यान, भदौरे १, २ र ३ मा उत्पादन गरिएको कृषिजन्य सामग्री सङ्कलनको रुपमा यो भवनलाई उपयोग गरिने छ ।

केही वर्ष पहिलेसम्म पोखराबाट तरकारी किनेर खाने कृषक अहिले आफ्नै गाउँमा विषादीरहित तरकारी उत्न गर्न थालेका छन् । भकारो व्यवस्थापन कार्यक्रमले तरकारी उत्पादनमा समेत वृद्धि भएको कृषक तारा गुरुङले बताए ।


प्र तिक्रिया दिनुहोस !

सम्बन्धित खबरहरु

मकवानपुरमा सहकारी लक्षित बार्षिक योजना तथा बजेट निर्माण तालिम सम्पन्न
कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन