क्षेत्रिय समितिहरूले संयुक्त रूपमा कार्यक्रम


नेशनल को-अपरेटर्स एलाईन्स नेपालको काठमाडौँ जिल्ला भरीका क्षेत्रिय समितिहरूले संयुक्त रूपमा कार्यक्रम आयोजना गरी नेपाली काँग्रेसको काठमाडौँ जिल्ला, क्षेत्र र नगरका पदाधिकारीहरूलाई बधाई तथा शुभकामना व्यक्त गरेको छ ।

हिजो काठमाडौँमा आयोजित कार्यक्रममा नवनिर्वाचित पदाधीकारीहरूलाई शुभकामना दिँदै नेपाली काँग्रास कृषि तथा सहकारी विभागका प्रमुख बालकृष्ण खाँडले नेपालमा सहकारीको सुरूवात काँग्रेसले गरेको र यसलाई सामाजिक आर्थिक विकासको संवाहक बनाउने काम पनि काँग्रेसले नै गर्ने बताए । वरिष्ठ पत्रकार एवम् राजनीतिक विश्लेषक पुरुषोत्तम दाहालले लोकतान्त्रका विभिन्न अवयवहरू हुने र तीनलाई सुदृढ र सक्षम बनाउँदा मात्र लोकतन्त्र मजबुत हुने बताउँदै सहकारी क्षेत्र पनि लोकतन्त्रको महत्वपूर्ण अंग भएको धारणा राखे ।

संविधानसभा सभासद् एवम् राष्ट्रिय सहकारी संघका उपाध्यक्ष ओमदेवी मल्लले काँग्रेस पार्टीले सहकारीसँग निकट रहेर काम गरेमा स्थानीय स्तर देखि केन्द्रसम्म नै पार्टीलाई मजबुत बनाउने वचार राखिन् । नेशनल कोअपरेटर्स एलाईन्स नेपालका केन्द्रीय महसचिव चन्द्र ढकालले नेपाली काँग्रेस पार्टीले एलाईन्ससँग समन्वय गर्न सके स्थानिय स्तरमा जनतासम्म पुग्न, जनताको आवश्यक्ता बुझ्न र तीनलाई सम्बोधन गर्न सहज हुने धारणा राखे ।

जिल्ला पदाधिकारीको तर्फबाट मन्तव्य राख्दै नेपाली काँग्रेस, काठमाडौँ जिल्लाका सचिव राजकुमार नकर्मीले काँग्रेस रहेसम्म लोकतन्त्र रहने भन्दै सहकारी लोकतन्त्रकै अउटा मोडल भएकोले सहकारी रहे मात्र काँग्रेस रहने धारणा राखे । कार्यक्रमका सभापति नेशनल कोअपरेटर्स एलाईन्स नेपाल काठमाडौँ क्षेत्र नं. ७ का संयोजक मनोज भण्डारीले आसन्न काठमाडौँ बचत तथा ऋण सहकारी संघको निर्वाचनमा समन्वय गरी लोकतान्त्रिक पक्षका उम्मेदवारलाई सहयोग गर्न नवनिर्वाचित पदाधिकारीलाई आग्रह गरे ।


प्र तिक्रिया दिनुहोस !

सम्बन्धित खबरहरु

बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक