ग्यास अभाव कायमै


काठमाडौँ, चैत १२। नाकाबन्दी खुलेको महिनौं बितिसक्दा पनि अझै ग्यासको अभाव कायम छ । वितरण प्रणाली व्यवस्थापन हुन नसक्दा ग्यासको अभाव भएको हो ।

भारतीय आयल कर्पोरेसनले पछिल्लो समयमा दैनिक १८ मेट्रिक टन ग्यास दिदैं आएपनि नेपालमा सहज व्यवस्थापन हुन नसक्दा ग्यासको कृत्रिम अभाव छ । । ग्यास उद्योगीले डिलरलाई नदिइकन सोझै बिक्री गर्दा उपभोक्ताले सहज तरिकाले ग्यास पाउन नसकेका हुन् ।

हाल नेपालमा दैनिक ४० मेट्रिक टन ग्यासको माग छ । नेपाल आयल निगमले मागअनुसार ग्यास ल्याउन सकेको छैन । बुलेटको अभावका कारण निगमले ग्यास लिन समस्या भएको जनाएको छ । उद्योगीलाई बुलेट खरिद प्रक्रिया अगाडि बढाउन पटक पटक आग्रह गरे पनि अघि बढ्न नसकेको हो । आपूर्ति मन्त्रालयले आज गरेको छलफलका क्रममा वितरण प्रणाली नै प्रमुख समस्याका रुपमा रहेको र प्रभावकारी अनुगमन हुन नसक्दा समस्या बल्झिँदै गरेको पाइएको छ ।

निगमका निर्देशक एवम् प्रवक्ता मुकुन्दप्रसाद घिमिरेले ग्यास आपूर्तिलाई सहज र सरल बनाउन तथा वितरण प्रणालीमा सुधार गर्न सबैको सहयोगको खाँचो रहेको बताए ।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न