स्वास्थ्य सहकारीमा नयाँ नेतृत्व


सुमन जि.सी.
बागलुङ,

स्वास्थ्य सहकारी संघ लि. बागलुङको अध्यक्षमा सीता शर्मा चयन हुनुभएको छ । संघको प्रथम प्रारम्भीक साधारण सभाले शर्माको नेतृत्वमा ७ सदस्यीय सञ्चालक समिति सर्वसम्मतीबाट चयन गरेको हो ।

सस्थाको उपाध्यक्षमा नरप्रसाद शर्मा, सचिव विकास पौडेल, सह–सचिव गोविन्दप्रसाद पौडेल, कोषाध्यक्ष मुक्तिराम सापकोटा, सदस्यहरु महेन्द्र प्रसाद कँडेल र रमाकान्त सापकोटा चयन हुनुभएको छ भने नरेन्द्र कँडेलको संयोजकत्वमा ३ सदस्यीय लेखा समिति चयन भएको छ जसको सदस्यमा सरस्वती कँडेल र विष्णु शर्मा चयन हुनुभएको छ ।

संघको प्रारम्भीक वार्षिक साधारण सभाको उद्घाटन गर्दै बागलुङ जिल्ला बचत तथा ऋण सहकारी संघ लि. का अध्यक्ष चण्डिप्रसाद शर्मा पौडेलले धौलागिरी बासीले अझैपनी गुणस्तरी स्वास्थ्य सेवा पाउन नसकेको र जनताको जीवनसंग प्रत्यक्ष सरोकार राख्ने स्वास्थ्यसेवालाई व्यवसायीक भन्दा पनि सेवाको रुपमा लिएर प्रभावकारी र गुणस्तरीय वनाउने तर्फ स्वास्थ्य सहकारी संघले भूमिका खेल्नुपर्ने बताउनु भएको थियो । प्रमुख अतिथी शर्माले नवनिर्वाचीत समितिलाई बधाई तथा सफल कार्यकालको शुभकामना समेत दिनुभएको थियो । कार्यक्रममा नेपाल शिक्षक संघका सचिव भवानीप्रसाद कँडेल लगाएतले शुभकामना मन्तव्य व्यक्त गर्नुभएको थियो ।

संघका संस्थापक अध्यक्ष महेन्द्रप्रसाद कँडेलको अध्यक्षतामा सम्पन्न कार्यक्रमको स्वागत पूर्व उपाध्यक्ष सीता शर्मा र सञ्चालन सचिव विकास पौडेलले गर्नुभएको थियो ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न