सहकारीमार्फत आर्थिक संमृद्वि


काठमाडौं, चैत्र १८ । प्रधानमन्त्री केपी शर्मा ओलीले सहकारीमार्फत आर्थिक संमृद्वि हुने बताएका छन् ।
नेपाल बचत तथा ऋण सहकारी केन्द्रीय संघ(नेफ्स्कुन)को आयोजनामा साकोस व्यवस्थापन प्रमुखहरुको कार्यशाला गोष्ठीको उद्घाटन गर्दै प्रधानमन्त्री ओलीले सहकारीले अर्थतन्त्रमा गहिरो जरा गारेको बताएका हुन् । ‘सहकारीमार्फत उत्पादनशील क्षेत्रमा लगानी गर्नुहोस्, सरकार तपाइहरुको साथमा छ’ उनले भने । आर्थिक उन्नतीको बाटोमा सहकारी लाग्नुपर्ने उनको जोड थियो ।
सहकारीको नाममा केही व्यक्तिले अनुचित फाइदा लिएको भन्दै प्रधानमन्त्री ओलीले बदनामी गराउने तत्वसँग सजग हुनुपर्ने जोड दिए ।
परनिर्भाता अन्त्य गर्न र व्यापारघाटा अन्त्य गर्न उत्पादनमा ध्यान केन्द्रित गर्नुको विकल्प नभएको उनको भनाई थियो । कपास र रेशम खेती र अल्लो उत्पादनमा ध्यान दिन सके तयारी पोशाकमा आत्मनिर्भर हुन सकिने उनको भनाई थियो । ‘सुती, रेशम र उनीमा आत्मनिर्भर हुनका लागि सहकारीले उत्पादनमा ध्यान दिनुपर्छ’ उनले भने । जमिन खेर गइरहेको र काल्लाभरी कपास खेती गर्न आवश्यक भइसकेको उनले बताए ।
सहकारीले धेरै गर्न सक्ने भन्दै प्रधानमन्त्री ओलीले सहकारीकर्मीलाई विश्वासमा लिएर नयाँ सहकारी ऐन ल्याउइने बताए । २ वर्षभित्र लोडसेडिङ अन्त्य गर्न लक्ष्यका साथ दुर्तगतीमा काम भइरहेको उनले बताए ।
‘१ सय ५ वर्षमा २ सय २८ मेगावट मात्र विद्युत उत्पादन हुनु विडम्बना हो, अब दुर्तगतिमा विद्युत उत्पादन गरिने छ’ उनले भने ।
तीर्व गतिका साथ विकासका साथ पूर्वाधार निर्माणमा जोड दिइने उनले बताए ।
आउँदो असारसम्म तुईन व्यवस्थापनका लागि काम भइरहेको र आउँदो आर्थिक वर्षमा तुइन विस्थापन गरेर झोलंगे पूल निर्माण गरिने प्रधानमन्त्री ओलीले जानकारी दिए ।
संविधान निर्माण हुनु उत्कृष्ट काम भएको भन्दै संविधान कार्यान्वयन नै अहिलेको चुनौती भएको बताए । ‘आर्थिक उन्नतीको बाटोमा सहकारी जान सके मात्र अर्थतन्त्र सुद्वत हुन्छ’ उनले भने ।


प्र तिक्रिया दिनुहोस !

सम्बन्धित खबरहरु

मकवानपुरमा सहकारी लक्षित बार्षिक योजना तथा बजेट निर्माण तालिम सम्पन्न
कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन