चितवनमा तरकारी बजार स्थापना हुने


चितवन, चैत २१ । उपप्रधानमन्त्री तथा सहकारी एवम् गरिबी निवारणमन्त्री चित्रबहादुर केसी भरतपुरमा व्यवस्थित फलफूल तथा तरकारी बजार निर्माणका लागि सकारात्मक देखिएका छन् ।

फलफूल तथा ताजा तरकारी थोक व्यवसायी सङ्घले आज बजार निर्माणको माग गर्दा उनले निर्माणका लागि पहल गर्ने आश्वासन दिएका हुन् । व्यवसायीको मागप्रति सहमति जनाउँदै उनले उक्त विषय मन्त्रिपरिषद्मा उठाइने बताए । देशकै मध्य भागमा रहेको बजारबाट प्रत्यक्ष रुपमा किसान लाभान्वित हुनुपर्ने उपप्रधानमन्त्री केसीको भनाइ थियो ।

“कृषि कर्ममा लागेका आम नेपाली आत्मनिर्भर बन्नुपर्छ” उनले भने । केन्द्रीय बस ट्रमिनलसँगै रहेको सहकारी विकास बोर्डको दुई बिगाहा १० कट्ठा खाली जग्गामा जिल्लाकै नमुना थोक बजार निर्माणको माग व्यवसायीले गरेका छन् ।

कार्यक्रममा मन्त्रालयका सचिव शङ्कर अधिकारीले बोर्डको बैठकमा एजेण्डाको रुपमा सो प्रस्तावलाई लगिने बताए । सहकारी विकास बोर्डका सहअध्यक्ष शरद शर्माले खाली जग्गालाई उपयोग गर्ने नीति बनाएर कामअघि बढाइने बताए ।

कार्यक्रममा सांसद कृष्णभक्त पोख्रेल, उद्योग वाणिज्य सङ्घका अध्यक्ष राजन गौतम र ताजा फलफूल तथा तरकारी थोक बिक्रेता सङ्घका अध्यक्ष थिरप्रसाद धितालले थोक बजार अतिआश्यक रहेको बताएका थिए ।


प्र तिक्रिया दिनुहोस !

सम्बन्धित खबरहरु

मकवानपुरमा सहकारी लक्षित बार्षिक योजना तथा बजेट निर्माण तालिम सम्पन्न
कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन