इन्द्रेणी बहुउद्देश्यीय सहकारीको टोलीद्वारा सञ्जिवनी स्वास्थ्य सहकारीको अवलोकन


रबिना बोहरा
बागलुङ, बैशाख १२ । इन्द्रणी बहुउद्देश्यीय सहकारी संस्था लिमिटेड बुटवलको टोलीले धौलागिरि सञ्जिवनी स्वास्थ्य सहकारी संस्था लिमिटेड बागलुङको स्थलगत अवलोकन गरेको छ ।
बुटवलबाट मित्रबहादुर शाक्यको नेतृत्वमा आएको समुहले सहकारीको अवलोकन गरेको हो । अवलोकनका क्रममा संस्थाका बारेमा जानकारी गराउदैँ इन्द्रणी बहुउद्देश्यीय सहकारी संस्था बुटवलका अध्यक्ष मित्रबहादुर शाक्यले ग्रामिण भेगमा समुह मार्फत सञ्चालन गरिएको सहकारीमा १ हजार ६ सय शेयर सदस्य र ४ करोड पुँजी रहेको जानकारी गराउनुभयो । संस्थाले ग्रामिण भेगमा कृषि, पशु, तरकारी लगायतको क्षेत्रमा लगानी गर्दै आएको बताउनुभयो ।
यस्तै धौलागिरि सञ्जिवनी स्वास्थ्य सहकारी मार्फत सञ्चालित निलगिरि अस्पतालका मेडिकल निर्देशक गोविन्द जोशी गौतमले सहकारी मार्फत स्वास्थ्य संस्था सञ्चालनका बारेमा जानकारी गराउनु भएको थियो । उहाँले १ सय ७० जना शेयर सदस्यको सहभागितामा सञ्चालन भएको संस्थाले दिने सेवा सुविधा लगायतका बारेमा जानकारी गराउनु भएको थियो । संस्थामा रहेका शेयर सदस्यलाई वार्षिक निशुल्क स्वास्थ्य परिक्षण गराउने र शेयर सदस्यका परिवारलाई २० प्रतिशत छुट दिदैँ आएको उहाँले जानकारी दिनुभयो ।
कार्यक्रम सहकारीका उपाध्यक्ष डिलबहादुर कार्कीको अध्यक्षता, कोषाध्यक्ष इश्वरलाल राजभण्डारीको स्वागत र प्रबन्धक दिपकराज सापकोटाको सञ्चालनमा सम्पन्न भएको थियो ।
यसैबीच इन्द्रणी बहुउद्देश्यीय सहकारीले धौलागिरि स्रोत विकास केन्द्र(डिसिआरडिसी) को पनि अनुगमन गरेको छ । कार्यक्रममा केन्द्रका सिर्जना थापाले संस्थाको बारेमा जानकारी गराउनुभएको थियो । केन्द्रले हाल सम्म १७ वटा सौर्य पम्पिङ खानेपानी आयोजना सम्पन्न गरेको छ । जसमा ४ सय ४५ घरधुरी लाभन्वित हुनका साथै ९ वटा निर्माणाधिन रहेको बताइएको छ । ५७ वटा सुधारिएको चुलो सहितको घर भित्रको धुवाँ मुक्त गविस घोषणा भएको समेत सो अवसरमा जानकारी गराइएको थियो ।
कार्यक्रम केन्द्रका अध्यक्ष इश्वरलाल राजभण्डारीको अध्यक्षता, कार्यक्रम संयोजक विप्लप शर्माको स्वागत र सिर्जना थापाको सञ्चालनमा सम्पन्न भएको थियो ।


प्र तिक्रिया दिनुहोस !

सम्बन्धित खबरहरु

मकवानपुरमा सहकारी लक्षित बार्षिक योजना तथा बजेट निर्माण तालिम सम्पन्न
कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन