टेवाले मनायो दशौँ वार्षिक उत्सव


ललितपुरको हात्तिवनस्थित टेवा बहुउद्देश्यीय सहकारी संस्थाले  विभिन्न कार्यक्रमसहित दशौँ वार्षिक उत्सव मनाएको छ । संस्थाले प्रत्येक वर्ष स्थापना दिवसको दिन पारेर रक्तादन कार्यक्रम तथा विपन्न-जेहन्दार विद्यार्थीहरूलाई शैक्षिक सामग्री वितरण गर्दै आएको छ । यस वर्ष संस्थाले आफ्नै भवन प्राङ्गडमा हिजो राखेको रक्तदान कार्यक्रममा ६४ जनाले रक्तदान गरेका थिए । प्रत्येक वर्ष राखिने रक्तदान कार्यक्रममा उत्साहजनक सहभागिता हुने संस्थाका अध्यक्ष माधव दुलालले बताए । संस्थाको स्थापना दीवस साउन १६ गते भएता पनि रक्तदान कार्यक्रम विदाको दिन पारेर हिजो नै राखिएको संस्थाका सचिव शरद महर्जनले बताए । संस्थाले सरकारी स्कूलमा प्रातमिक तहमा अध्ययनरत विपन्न परिवारका विद्यार्थीहरूलाई विभिन्न शैक्षिक सामग्री प्रदान गर्ने कार्यक्रम आज साँझ ४ बजे राखेको छ । प्रत्येक वर्ष वार्षिकोत्सवका दिन ५० भन्दा बढि विद्यार्थीहरूलाई संस्थाले शैक्षिक सामग्री प्रदान गर्दै आएको महर्जनले बताए । 


प्र तिक्रिया दिनुहोस !

सम्बन्धित खबरहरु

बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक